Bitta ham o‘rindiqqa sig‘magan amerikalik ayol 110 kilo vazn tashladi
Men orolida istiqomat qiladigan amerikalik Eshli Kolduell 110 kilo vazn tashlashga muvaffaq bo‘ldi. Ayol qanday qilib bu natijaga erishgani haqida aytib berdi, deb yozadi “Korrespondent.net”.
Ma’lum qilinishicha, ayol vazni 193,6 kiloni tashkil qilgan. Uning o‘zi to‘laligini onasini yo‘qotganidan keyingi stress va doimiy ravishda fastfud iste’mol qilish bilan bog‘laydi. Vazni sabab samolyotning ekonom klassidagi o‘rindiqlarga sig‘magan Eshlining biznes klassdagi katta o‘rindiqlar uchun qo‘shimcha pul sarflashiga to‘g‘ri kelgan.
Bu hali hammasi emas, u boshqalar singari attraksionlarda ucha olmagan, kiyimlarini esa buyurtma asosida tiktirgan. Ozgunicha ratsionida nonushta bo‘lmagan Kolduell tamaddini pechenye, shokolad va sutli kokteyl bilan qilgan. Tushlik va kechki ovqatga esa pishloqli tost, fastfud va ponchik iste’mol qilgan.
Ozishga qaror qilganidan keyin kunlik kilokaloriya miqdorini, taxminan, 1200 gacha qisqartirgan. Uglevodlar va spirtli ichimliklardan voz kechgan. Nonushtani ikkita tuxum va qahva bilan qilgan ayol tushlikka sho‘r karamel ta’mi keladigan boshoqli batonchalar iste’mol qilgan. Kechki ovqatidan esa sabzavotli krevetka yoki salat o‘rin olgan.
