Bugun,

  • USD 11014.01
  • RUB 191.8
  • EUR 10674.78

Audi kompaniyasi yangi RS 3 Nyurburgringdagi eng tezkor ixcham avtomobilga aylanganini ma’lum qildi, deb xabar beradi Motor. Ushbu model 20,8 kilometrli trassani 7 daqiqa 40,748 soniyada bosib o‘tib, o‘zidan oldingi rekordchi Renault Megane RS Trophy-R’ning natijasidan 4,64 soniyaga yaxshiroq natijani qayd etgan.

Foto: Audi

Foto: Audi

Rekord 2021-yilning iyunida — Audi RS 3’ning rasmiy taqdimotidan oldin o‘tkazilgan, shu sababli videodagi avtomobil kamuflyaj plyonaski bilan qoplangan. Bundan model modifikatsiya qilingan: sedan xavfsizlik karkasi va sport avtomobillar uchun mo‘ljallangan old o‘rindiqlar, shuningdek, GPS-tizim va kameralarni nazorat qiluvchi datchiklar bilan jihozlangan. Rekord o‘rnatish vaqtida RS 3’ni Audi Sport haydovchisi Frenk Stippler boshqargan.

Sedan 394 ot kuchini taqdim etishga qodir qatorli beshta silindrga ega 2,5 litrli TFSI dvigateli yordamida harakatga keladi. U yetti pog‘onali “robot” uzatmalar qutisi yordamida boshqariladi.

RS 3 soatiga 100 kilometr tezlikka 3,8 soniyada erishadi, maksimal tezligi esa sozlamalariga bog‘liq bo‘lib, 250—290 kilometr/soatni tashkil etadi.

Avvalroq yangi Porsche Cayenne Coupe krossoveri “SUV, off-road, vehicle, van, pock-up” yo‘nalishlari bo‘yicha Nyurburgring rekordini o‘rnatgan edi.

Izoh
Asosiy yangiliklar
Dunyo
Nikaragua hukumati Niderlandiya bilan diplomatik munosabatlarni uzdi
Mahalliy
O‘zbekistonga eng ko‘p qaysi oziq-ovqat mahsulotlari import qilinayotgani aytildi
Mahalliy
Besh nafar tuman hokimi ishdan haydaldi, Bobolov jarimaga tortildi: “Daryo”da hokimlar uchun og‘ir kelgan hafta dayjesti