Google kompaniyasi san’at asarlari yig‘ilgan Arts & Culture bo‘limini yuqori tiniqlikda taqdim etdi, deb xabar beradi Esquire.
Foto: Artsandculture.google
Hozirda ushbu bo‘limga 1848 ta mashhur klassik kartina qariyb bir gigapiksel (ming megapiksel yoki milliard piksel) tiniqlikda to‘plangan.
Ko‘p karrali yaqinlashtirish orqali polotnolarni sifati buzilmagan holda tomosha qilish mumkin.
Vinsent Van Gogning “Yulduzli kecha” parchasi
Foto: Artsandculture.google
Jorj Syorning “Grand-Jatt orolida yakshanba kuni” kartinasi parchasi
Foto: Artsandculture.google
Onlayn galereyadan Yan Vermeyer, Van Gog, Gustav Klimt, Karavajo va boshqa ko‘plab rassomlarning ishlari o‘rin olgan.
“Mone, Van Gog kabi kabi daholarining ishlarini kartinalarda burningiz uchi tegadigan darajada yaqin kelganingizda to‘liq baholashingiz mumkin”, — deydi Arts & Culture vakili Ben Jon.
Bunga qadar Arts & Culture bo‘limida yuqori tiniqlikda 200 ga yaqin kartina mavjud edi. 2011-yildan beri loyiha dunyo bo‘ylab yuzlab muzeylar bilan hamkorlikda foydalanuvchilarni onlayn formatda san’at asarlari bilan tanishtirib keladi.
Eslatib o‘tamiz, 2020-yilning mayida Google Arts & Culture platformasida O‘zbekistonga bag‘ishlangan 3 ta yangi kolleksiya ochilgandi.
