Tovarlarning narxi — bu xaridor xaridni amalga oshirishida hisobga oladigan tanlov mezonlaridan biri. Bu omil har doim ham eng muhim hisoblanmaydi. Boshqa omillar ham rol o‘ynaydi: mahalliy raqobat darajasi, sizning savdo taklifingizning o‘ziga xosligi, ma’lum bir vaqtda mahsulotingizga bo‘lgan talab va boshqalar.
Juda past narx — bu oddatda noto‘g‘ri qaror. Siz sotishdan munosib pul ishlay olmaysiz va bu ishbilarmonlar daromadining ham keskin qisqarishiga sabab bo‘ladi. Haddan tashqari yuqori narx sizga narxlarni kuzatishga erinadigan bir nechta tasodifiy xaridorlarni olib keladi va savdo ta’sirli bo‘lmaydi. Mahsulotga qo‘yilgan optimal narx OLX’ga qo‘yayotgan har qanday mahsulotingiz uchun ideal bo‘ladi.
Biz turli xil toifadagi tovarlarni baholashni va samarali savdo qilishni o‘rganamiz.
1-mezon: o‘rtacha bozor narxi
Agar sizning assortimentingiz bozor bilan to‘ldirilgan tovar analoglaridan iborat bo‘lsa, o‘rtacha bozor narxiga mos keladigan narxni belgilash maqsadga muvofiq bo‘ladi. Sizning mollaringizning o‘rtacha narxini hisoblash qiyin emas, faqat OLX’da narx belgilarini kuzatib borish kifoya. Narxni ataylab pasaytirish shart emas. Chunki bu xaridorlarda tovarlarning sifatiga nisbatan keraksiz gumonlarni kuchaytiradi. Imkoniyat umidida ortiqcha baho berishingiz ham mijozning shunchaki mahsulotingiz yonidan o‘tib ketishiga sabab bo‘ladi.
Xulosa
Topilishi oson va yuqori raqobatga ega mahsulotlar uchun narxni bozordagi vaziyatdan kelib chiqib tanlash.
2-mezon: xarajatlarni hisobga olish va marja
Qulay narxlash opsiyasi: barcha xarajatlar va investitsiyalarni jamlang, ustiga o‘zingizning foyda miqdorini qo‘ying va narxni belgilang. Bu quyidagi hollarda samarali ishlaydi:
- mahsulotingiz mahalliy bozorda yetishmasa va uning narxlarini taqqoslash imkoni bo‘lmasa;
- siz o‘zingiz ishlab chiqaruvchisiz va sizning mahsulotingiz o‘ziga xos tarzda noyob, raqobatchilardan keskin farq qiladi yoki umuman o‘xshashi yo‘q;
- siz o‘zingizning tovar mahsulotingizni yoki jahon brendlarining asl mahsulotlarini sotasiz. Bunday mahsulot narxi savdo markasi tomonidan belgilanadi va shunchaki bozordan past bo‘lishi mumkin emas (agar gap ommaviy savdo haqida bo‘lmasa).
Xulosa
Agar sizning mahsulotingiz noyob savdo afzalliklariga ega bo‘lsa, barcha xarajatlarni ko‘rib chiqing va bemalol o‘z foydangizni qo‘shing.
3-mezon: savdolashish mumkin yoki kelishtiramiz
Ehtimol, xaridorlar va sotuvchilar uchun eng keng tarqalgan va tanish bo‘lgan yondashuv, bu narxni ataylab oshirib yuborish va unga mumkin bo‘lgan chegirmalarni oldindan qo‘yishdir. Bu bozorda kam bo‘lgan, har bir burchakdan sotib olinmaydigan tovarlar uchun ishlaydi.
Xulosa
Siz tajriba sifatida chegirmaga tayyor ekanligingizni e’lon qilishingiz mumkin. Buni bir yoki ikki marta sinab ko‘rib, keyin haqiqiy narxni belgilab qo‘yishingiz lozim.
4-mezon: mutaxassislar fikri bilan qurollaning
Bu nafaqat qadimiy buyumlar va zargarlik buyumlariga tegishli. Dizaynerlarning har qanday tovarlari, ko‘chmas mulk, noyob parfyumeriya — agar siz ushbu yo‘nalishlardan birini egallashga qaror qilsangiz va ularda tajribangiz bo‘lmasa, avval ekspert baholovchilarning fikriga murojaat qilish mantiqan to‘g‘ri bo‘ladi. Vaqti kelib siz narxlarni mustaqil ravishda tasarruf etish uchun mavzuni yetarlicha o‘zlashtirasiz, lekin dastlab buni mutaxassislarning yordamisiz qila olmaysiz.
Xulosa
Sotish narxini shakllantirishda maxsus bilim talab qiladigan har qanday savdo pozitsiyalari (oddiy iste’mol tovarlaridan tashqari) uchun mutaxassislarga murojaat qiling.
Tovar biznesida asosiy narsa narxni manipulyatsiya qilishga imkon berish emas, balki sifatga, boy assortimentga, o‘lchamlarning keng doirasiga tayanish yoki aksincha, o‘ziga xoslikka e’tibor berish, mahsulotning tor segmentlarini izlashdir. Shundagina siz narxni adolatli boshqara olasiz.
Muvaffaqiyatli sotuvlar uchun eng katta xizmat — OLX’da siz nafaqat samarali sotishingiz, balki savdo biznesining barcha sirlarini o‘rganishingiz mumkin.
Reklama huquqi asosida.
Izoh (0)