“Daryo”ni Telegram’da o‘qing! Join!
20:53, 10.07.2021 23434

Foto: 2021-yil trenddaligiga qaramay, sotib olish tavsiya qilinmaydigan kiyim-kechaklar

Kiyim tanlashda trendlardan ham ko‘ra qanchalik yarashish-yarashmasligi, obrazlarni moslash mumkin yoki yo‘qligiga e’tibor berish kerak.

Old qismi yopiq, qalin shippak

Foto: Marie Claire

2000-yillarda dolzarb bo‘lgan mazkur model yoz faslida yana yetakchilik qilmoqda. Istalgan obraz bilan moslash mumkinligiga qaramay, bunday oyoq kiyimni tanlashda ehtiyotkor bo‘lish kerak.

Kalta yubka

Foto: Marie Claire

Yana urfda ekaniga qaramay, beldan pastda turadigan, kalta yubkalar chiroyli ko‘rinmasligi aniq. Birinchidan, hammaga ham yarashavermaydi, ikkinchidan esa, harakatlanish uchun juda ham noqulay. Buning o‘rniga bel qismi yuqoriroq turadigan uzunroq modellarga e’tibor qarating.

Rang-barang print

Foto: Marie Claire

Akvarel bo‘yoqda chizilgandek ko‘rinadigan mazkur printli kiyim-kechakdan tashqari, sumkalarni ham ko‘p uchratish mumkin. Buning o‘rniga bir xil rangli, tayanch modellarga e’tibor qaratish tavsiya qilinadi.

Qavilgandek ko‘rinadigan sumka modellari

Foto: Marie Claire

Didli ko‘rsatmagani, qolaversa, qishga xos bo‘lgani sabab bunday sumkalardan yoz kunlari voz kechgan yaxshi.

Oynalari ko‘zguni esga soladigan quyoshdan himoyalovchi ko‘zoynaklar

Foto: Marie Claire

Allaqachon urfdan qolgani, obrazni ko‘ngildagidek ko‘rsatmagani sabab bu kabi ko‘zoynak o‘rniga boshqa, linzasi tabiiy ko‘rinadigan rangli modellarni tanlagan yaxshi. Bu mavsumda bachkana bo‘lmagan, oddiy ko‘zoynaklar xarid qilish ayni muddao.

Cho‘ziladigan matodan tikilgan, tor shorti

Foto: Marie Claire

Bir necha mavsum davomida ketma-ket dolzarb bo‘lgan mazkur shortilar bugunga kelib avvalgidek yetakchi emas. Stilistlar buning o‘rniga bel qismi yuqori turadigan, keng modellarga e’tibor qaratishni maslahat beradi.

Tor shim

Foto: Marie Claire

Hozir keng va erkin turadigan shimlar urfda. Garderobingizdagi tor shimlarni etaklari keng va yopishib turmaydigan modellarga almashtiring.

Belga taqiladigan sumkalar

Foto: Marie Claire

Qanchalik qulay ekaniga qaramay, bunday sumkalar bilan obraz didli ko‘rinmasligi aniq. Umuman voz kecha olmaydiganlarga esa yangi modellarga e’tibor qaratish tavsiya qilinadi. O‘ziga xos ko‘rinish uchun esa ixcham va rang-barang sumkalar xarid qiling.

Qo‘pol poyabzallar

Foto: Marie Claire

Balenciaga singari oyoq kiyimlar allaqachon o‘tmishda qoldi. Ularning o‘rnini tag qismi ingichka mokasinalar egalladi. Yoz kunlari ayni muddao bo‘lgani va istalgan obraz bilan moslash mumkinligi sabab qo‘pol ko‘rinmaydigan variantlarga e’tibor qaratgan yaxshi.