Bugun,

  • USD 10940.05
  • RUB 182.26
  • EUR 11121.65

Qozog‘istonda 1-iyul kuni “Xalq salomatligi to‘g‘risida”gi kodeksning yangi normasi kuchga kirdi. Bu haqda “Sputnik Kazaxstan” xabar berdi.

Foto: alau.kz

Foto: alau.kz

Endi Qozog‘istonda tamaki mahsulotlarini do‘kon peshtaxtalariga ochiqdan ochiq terib qo‘yish taqiqlanadi. Bu chekuvchilar va chekishni tashlashga urinayotganlarning impulsiv xaridlariga yo‘l qo‘ymaslik maqsadida amalga oshiriladi.

Ushbu taqiq nafaqat an’anaviy sigaretalarga, balki tamakini tutatadigan mahsulotlarga (IQOS, GLO), kalyan uchun tamaki, kalyan aralashmasi, tamakini qizdirish tizimlari, elektron iste’mol tizimlari va ular uchun foydalaniladigan suyuqliklarga ham tegishli.

Tamaki xaridorlari oq qog‘ozda qora rang bilan yozilgan matn orqali do‘konda mavjud tamaki mahsulotlarining turi va narxlarini bilib olishi mumkin. Qog‘ozga har qanday grafik yoki chizilgan rasmlarni joylashtirish taqiqlanadi. Ro‘yxat ko‘rib chiqilgandan so‘ng xaridorga uning talabiga binoan tamaki mahsulotlari ko‘rsatilishi mumkin.

Bundan tashqari, 1-iyuldan boshlab bir quti sigaretaning chakana narxi 520 tenge (taxminan 13 ming so‘m) etib belgilandi. Minimal narx 2021-yil 31-dekabrgacha amal qiladi. Shundan so‘ng har olti oyda sigaretalarning minimal narxi bosqichma-bosqich 600 tengegacha (15 ming so‘mgacha) oshiriladi.

Eslatib o‘tamiz, 2020-yilda Qozog‘istonda tamaki mahsulotlarini 21 yoshdan kichik fuqarolarga sotish taqiqlab qo‘yilgandi.

Izoh
Asosiy yangiliklar
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
“Daryo” reportaji: Namangandan topilgan zardushtiylar ibodatxonasining dunyoda tengi yo‘qligi aytilmoqda. Bu yerdagi 70 ta otashkadada tun-kun olov yonib turgan (v...
Madaniyat
O‘zbekistonda o‘tkazilgan Mokkoji Korea festivali va K-pop konserti — suratlarda