Kanadada yuqori havo harorati 85 yillik rekordni yangiladi

Kanadada havo harorati Selsiy bo‘yicha 45 darajadan oshib ketdi. Bu haqda Kanada ommaviy axborot vositalariga asoslanib “Korrespondent.net” xabar berdi.

Qayd etilishicha, 28-iyun kuni Britaniya Kolumbiyasi provinsiyasidagi Litton qishlog‘ida harorat Selsiy bo‘yicha 46,6 darajaga yetgan. Shu tariqa mamlakatda 1937-yil 5-iyulda o‘rnatilgan issiq havo rekordi yangilandi, o‘shanda 45 daraja qayd etilgandi.

Britaniya Kolumbiyasi va Alberta provinsiyalari, Saskachevanning katta hududlari, shuningdek, Shimoli-g‘arbiy hududlar va Yukon aholisi havo harorati ko‘tarilishi haqida ogohlantirildi. Ushbu provinsiyalarning ayrim hududlarida harorat Selsiy bo‘yicha 40 darajaga yetadi. Prognozlarga ko‘ra, yuqori namlik tufayli harorat 50 darajadek tuyulishi mumkin.

Avvalroq AQShning Kaliforniya shtatida anomal issiq ob-havo tufayli favqulodda holat e’lon qilingandi. Shtatning ayrim hududlarida havo harorati Selsiy bo‘yicha deyarli 48 darajaga ko‘tarilgan.

Shuningdek, Moskva va Peterburgdagi iliq havo 100 yillik rekordni yangilagani haqida xabar berilgandi.