Ekspertlar gazli ichimliklarning insonni kognitiv va ruhiy sog‘lig‘iga salbiy ta’sir ko‘rsatishini eslatib o‘tdi. Esat this, not that nashri shirin ichimliklarning inson miyasiga tug‘diradigan asosiy xatarlarini to‘plab chiqdi, deb xabar beradi “Korrespondent.net”.
Foto: Pixabay
2017-yilgi tadqiqot natijalarining ko‘rsatishicha, diyetik gazli ichimliklarni ichish insult va demensiya (aqliy zaiflik) xavfini oshiradi.
Olimlar tajribaning muntazam diyetik gazli ichimliklar ichib kelgan 2888 nafar katta yoshdagi ishtirokchisida Alsgeymer kasalligini rivojlanish ehtimolligi boshqalarga qaraganda qariyb uch barobarga ko‘p uchrashini aniqlagan. Bu kabi xatar shirin ichimliklarni ichish va insultning paydo bo‘lishiga ham bog‘liq.
Gazli ichimlik tarkibida asosan kofein bo‘ladi, u miyaning kimyoviy o‘zgarishiga olib kelishi va bog‘liqni yuzaga keltirishi mumkin. Shuningdek, kofeinli gazli ichimliklar uyqu davomiyligi va sifatida salbiy ta’sir ko‘rsatadi.
2021-yilda hayvonlarda o‘tkazilgan tadqiqotlarga ko‘ra, bolalikda shahar ko‘p iste’mol qilish keyinchalik xotira bilan bog‘liq muammoni yuzaga keltiradi.
Eslatib o‘tamiz, 2015-yilda shirin gazli ichimliklar har yili 184 000 kishining o‘limiga sababchi bo‘lishi to‘g‘risida xabar berilgandi.
