Qashqadaryo viloyatining Dehqonobod tumanida “ayollar daftari” va “yoshlar daftari”ga kiritilgan 216 nafar fuqaroga tikuv mashinasi topshirildi. Bu haqda “Daryo”ga tuman hokimligi axborot xizmati xabar berdi.
Ta’kidlanishicha, tadbir ochilishida so‘z olgan tuman hokimi Zoir Aliqulov ayollar va yoshlar bandligini ta’minlash maqsadida tumanda ko‘plab ishlar amalga oshirilayotganini, jumladan, 216 nafar xotin-qiz va yoshga tikuv mashinasi berilganini, bu esa ularning bandligini ta’minlash uchun vosita bo‘lib xizmat qilishini ta’kidlagan.
“Yoshligimda onamning tikish qilishini sinchiklab kuzatardim. Eski va unchalik ham talabga javob bermaydigan mashinkada qiynalib bo‘lsa-da, kiyim tikardi. Men aniq bilamanki, siz ham yoki sizning onangiz ham ana shunday eski tikuv mashinalarida bo‘lsa-da, chiroyli kiyimlar tikkan va ayni kunda ham tikayotgandir. Biz sizga ishingiz osonlashishi uchun yangi tikuv mashinasi berishni maqsad qildik. Bu maqsadimizga erishish yo‘li va imkoniyatini esa muhtaram Prezidentimiz yaratib bergan. Maqsadimiz — shu orqali sizning ishingizni osonlashtirish”, — dedi tuman hokimi.
Tadbirda, shuningdek, pazandachilik bilan shug‘ullanib kelayotgan 100 nafar ayolga subsidiya asosida elektr pech ham sovg‘a qilingan.
Mavzuga doir:
- O‘zbekistonda “ayollar daftari” va “temir daftar”ga kirgan oilalarning farzandlari bepul operatsiya qilinadi
- O‘zbekistonda “ayollar daftari”ga kiritilgan yolg‘iz ayollarning farzandlari ham bog‘chaga imtiyozli ro‘yxat asosida qabul qilinadi
- O‘zbekistondagi ehtiyojmand oilalarning yoshlari “Vatanparvar” avtomaktablarida bepul o‘qishlari mumkin bo‘ladi
Izoh (0)