Gollivudning eng sadoqatli aktyorlari (foto)

Yillar, turli qiyinchilik va mashhurlik ham munosabatlariga ta’sir qilmagan, sodiqligiga qoyil qolsa arziydigan mashhurlar haqida ma’lumot berib o‘tamiz.

Tom Henks

Aktyor 30 yildan buyon turmush o‘rtog‘i bilan uyg‘un hayot kechiradi. Bir ko‘rishda sevib qolgan rafiqasiga bo‘lgan tuyg‘ulari kunlar o‘tsa hamki, so‘nmaydi. Intervyulardan birida Tom muntazam ravishda rafiqasiga xat yozishi va ularni to‘plashini ma’lum qiladi. Turmush o‘rtog‘i bilan faxrlanadigan aktyor hamisha unga sodiq bo‘lishga harakat qiladi.

Igor Krutoy

Kompozitor Rossiyada, uning rafiqasi Olga esa Amerikada yashashiga qaramay rus shou-biznesining havas qilsa arziydigan juftliklaridan biri hisoblanadi. Juftlikning samimiy munosabatlariga masofalar ta’sir qilmaydi. Igor rafiqasini hayotidagi asosiy ayol deb hisoblaydi.

Rayan Reynolds

Rafiqasiga 8 yildan ortiq vaqtdan buyon sodiq hisoblangan Rayan shaxsiy hayoti haqidagi ma’lumotlarni ovoza qilishni istamaydi. Birgalikda hamisha baxtli ko‘ringan juftlikning omma oldiga birgalikda chiqishi va uch nafar farzandi borligiga havas qilsa arziydi.

Uill Smit

Uill 24 yildan ortiq vaqtdan buyon rafiqasi bilan baxtli hayot kechiradi. 2018-yilda ularning ajrashishi haqida mish-mish tarqalgan, ammo aktyor Instagram sahifasiga rafiqasi bilan tushgan video joylab, bu noto‘g‘ri ekanini bildirgan. Rafiqasi Jada bergan intervyulardan birida munosabatlari juda ham o‘ziga xosligi va bu ajoyibligini ta’kidlagan.

Hyu Jekman

Ko‘pchilik Gollivud yulduzining o‘zidan 13 yosh katta rafiqasi bilan munosabatlari uzoqqa bormaydi deb hisoblagan. Ammo aktyor 25 yildan ko‘proq vaqtdan buyon rafiqasi bilan birga. Buni muhabbatga yosh to‘sqinlik qila olmasligining yorqin misoli deyish mumkin. Ular turmush qurishga qaror qilganida aktyor 28, rafiqasi esa 41 yoshda edi. Jekman intervyularida Deborra uning hayotiga mazmun baxsh etganini ko‘p bor takrorlaydi.

Kurt Rassel

1967-yil suratga olish maydonchasida tanishgan yulduzlar bu vaqtda bir-biriga e’tibor bermagan. Oradan 20 yil o‘tib qayta ko‘rishganida esa ularning har ikkisi ham turmush qurib, ajrashgan bo‘lgan. Bir-biriga oshiq bo‘lgan juftlik 30 yildan buyon birga yashaydi. “Biz Goldi bilan har kuni baxtdan masrurmiz va bir-birimizning kayfiyatimizni ko‘taramiz. Yana nima kerak?” — deydi Kurt.

Kirk Duglas

Kirk Duglas va Enn Baydens qiyinchiliklarga qaramay, 66 yil baxtli hayot kechirish mumkinligining isboti. Juftlik 1954-yilda turmush qurgan. Kirk 2020-yil 103 yoshida vafot etgan, bu vaqtda Enn 102 yoshda bo‘lgan.