Amerikalik mashhur xonanda Mayli Sayrus, Magnum Ice Cream muzqaymoq brendi bilan hamkorlikda Miley in layers nomli virtual konsert dasturiga tayyorgarlik ko‘rmoqda. Natija 10-iyun kuni kompaniya saytida e’lon qilinadi, deb yozadi “Korrespondent.net”.
Ma’lum qilinishicha, translyatsiya vaqtida Mayli Plastic Hearts albomidagi eng mashhur qo‘shiqlarni kuylash bilan birga Midnight Star guruhining 80-yillardagi xiti Midas Touch’ni kaver-versiyasini Miley’s Touch’gao‘zgartirib kuylaydi.
“Bizning eng katta super kuchimiz — bu bizning o‘ziga xosligimiz. Xonanda sifatida rivojlanib borish jarayonida — studiyada qo‘shiq yozganda, minglab muxlislar oldida chiqish qilganda yoki o‘zimni kuchli his qiladigan narsalarni kiyganda o‘zimning kimligim va menga zavq bag‘ishlaydigan turli xil qatlamlarni o‘rganishga muvaffaq bo‘ldim. Mening hayotdagi eng katta huzur-halovatim — musiqa va men barchangiz uchun 8D formatda kuylashdan juda xursandman”, — deb yozgan xonanda. Kompaniya va Sayrus o‘rtasida tuzilgan shartnoma summasi 20 million dollarni tashkil qiladi, deyiladi xabarda.
Izoh (0)