Bugun,

  • USD 11095.31
  • RUB 173.84
  • EUR 10772.44

Xalq ta’limi vaziri Sherzod Shermatov Samarqand viloyatining Urgut tumanida yozda qo‘shimcha daromad topib, oilasiga yordam berayotgan yuqori sinf o‘quvchilari bilan suhbatlashib, ularning ishlari bilan tanishdi.

Foto: Telegram / Sherzod Shermatov

Foto: Telegram / Sherzod Shermatov

“Ularning orasida nafaqat o‘zi mehnat qilib 5-10 million so‘m oyiga topayotganlari, balki o‘zidan tashqari qo'shimcha 30-40 ishchilarni ham oylik bilan ta’minlab, o‘zi oyiga 15-20 million so‘mdan ortiq daromad topayotgan tadbirkorlari ham bor ekanligini ko‘rib, juda xursand bo‘ldim.

Yozda vaqtlarini behuda o‘tkazmay, o‘z halol mehnati bilan oila ro‘zg‘origa ko‘maklashayotgan yuqori sinf o‘quvchilaridan tengdoshlari o‘rnak olishi zarur”, — deb yozgan vazir o‘zining Telegram’dagi sahifasida.

Foto: Telegram / Sherzod Shermatov

Foto: Telegram / Sherzod Shermatov

Foto: Telegram / Sherzod Shermatov

Foto: Telegram / Sherzod Shermatov

Sherzod Shermatovning aytishicha, maktablar reytingi avvalgi yillarda faqat o‘quvchilarning OTMga kirishi bilan belgilangani sababli Urgut tumani ko‘rsatkichi ancha past bo‘lgan. Endilikda esa maktab faoliyati natijalari nafaqat bitiruvchilarining OTMga kirgani, balki umuman, bitirganidan keyingi bandligi bilan baholanadigan bo‘ldi.

Foto: Telegram / Sherzod Shermatov

Foto: Telegram / Sherzod Shermatov

Vazirning ta’kidlashicha, shuni inobatga olib, maktablar OTMga qiziqishi yo‘q bo‘lgan o‘quvchilarni mehnat bozoriga to‘g‘ri yo‘naltirish bo‘yicha sektor rahbarlari bilan hamkorlikda harakat qilishi kerak.

Eslatib o‘tamiz, Sherzod Shermatov 2020-yilda maktabni bitirayotgan yoshlarga yo‘llagan murojaatida inson muvaffaqiyatining 90 foizi uning aynan o‘ziga bog‘liqligini ta’kidlagandi.

“Inson muvaffaqiyatining ko‘pi bilan 10 foizi omadga va tashqi omillarga, qolgan 90 foizi esa aynan o‘ziga bog‘liq ekanligi uchun yuqori maqsadlar qo‘yib, o‘z kuchingizga ishonib, tinmay harakat qilishingiz zarur! Eng asosiysi, vaqtingizni behuda o‘tkazmang! Vaqt hayotingizdagi eng qimmatbaho resurs hisoblanadi. Vaqtingizni doim o‘zingiz, oilangiz va jamiyatga foyda keltirish uchun sarf qiling hamda mamlakatimiz nufuzini oshirishga o‘z hissangizni qo‘shing!”, — degan edi u.

Xalq ta’limi vaziri internet orqali ham qonuniy pul topish mumkinligini aytgandi.

Izoh
Asosiy yangiliklar
Mahalliy
O‘zbekistonda Italiyaning agrar sohaga oid universitetlari filiallari ochiladi
Dunyo
Rossiyada “Saroy to‘ntarishlari”ning boshlanishi, parvoz vaqtida portlab ketgan “Chellenjer” va general Vlasovning xoinligi. Kun xronologiyasida 28-yanvar
Mahalliy
O‘zbekiston va Qirg‘iziston fuqarolari ikki davlatga ID karta orqali o‘tishi mumkin bo‘ladi