Bugun,

  • USD 11095.31
  • RUB 173.84
  • EUR 10772.44

Ryanair samolyoti bilan bog‘liq voqea tufayli Belarusga qarshi sanksiyalar kiritilganidan keyin Yevroittifoq Rossiyaga qarshi ham sanksiya choralarini ko‘rib chiqishi kerak. Bu haqda Yevroparlament rahbari David Mariya Sassoli aytib o‘tdi, deb yozadi “RBK”.

Devid Sassoli

Devid Sassoli
Foto: EPA

“Biz rossiyalik mansabdorlarga qarshi sanksiyalarni kuchaytirishimiz kerak, ammo shu bilan birga, aholi va fuqarolik jamiyati bilan yanada yaqinroq aloqa o‘rnatib, rossiyalik dissidentlarni, nohukumat tashkilotlarni va mustaqil OAVlarni qo‘llab-quvvatlashimiz kerak”, — dedi U Funke mediaguruhiga bergan intervyusida.

Yevroparlament rahbari, shuningdek, Yevroittifoq va Rossiya o‘rtasidagi munosabatlar ayni paytda “juda keskin” ekanini qayd etdi.

Bundan tashqari, Sassoli Belarusda Nexta Telegram kanali sobiq bosh muharriri Roman Protasevichning qo‘lga olinishi yuzasidan izoh berdi va uni ozod etish uchun yanada choralar ko‘rishga chaqirdi. Uning fikricha, Protasevichning fotosurati Yevroittifoqning barcha aeroportlariga va Yevroparlamentga osib qo‘yilishi kerak”.

Hozirda Sassoli, shuningdek, boshqa bir qator yevropalik amaldorlar Rossiya sanksiyalariga uchragan bo‘lib, ularning Rossiya hududiga kirishi taqiqlangan. Moskva Yevroittifoqning 2 va 22-mart kunlari olti nafar rossiyalikka nisbatan cheklovlariga javoban Yevroittifoq vakillari xuddi shunday choralarni qo‘llagan edi.

Yevroparlament apreldayoq Donbassdagi vaziyat keskinlashgan yoki muxolifatchi Navalniyning sog‘lig‘i yomonlashgan taqdirda Rossiyaga nisbatan sanksiyaviy bosimni kuchaytirishni taklif qilgan edi.

Avvalroq esa Yevroittifoq Rossiyaga qarshi turishda kuchlarni birlashtirish taklifini Vashingtonga yo‘naltirgan edi. U Yevroittifoq-AQSh sammiti qo‘shma bayonoti loyihasiga kiritilgan bo‘lib, sammit 15-iyunda Bryusselda bo‘lib o‘tadi, ertasi kuni esa Jenevada oliy darajadagi Amerika-Rossiya uchrashuvi bo‘lib o‘tishi kerak.

Izoh
Asosiy yangiliklar
Mahalliy
Aholining valyuta ayirboshlashga yoʻnaltirgan pul mablagʻlari hajmi 68 foizga oʻsdi — Markaziy bank
Mahalliy
Samarqandda 2 kishi ovqatdan zaharlanib vafot etdi
Mahalliy
Toshkentda avtobusning yurgan masofasiga qarab to‘lov qilish tizimi yo‘lga qo‘yiladi