Rossiyaga qarshi turishda kuchlarni birlashtirish taklifi Yevropa tomonidan tayyorlanib, muvofiqlashtirish uchun Vashingtonga yo‘naltirilgan Yevroittifoq-AQSh sammiti qo‘shma bayonoti loyihasida bildirilgan, deb yozadi “Interfaks” Bloomberg’ga tayanib.
“Biz Rossiyaga nisbatan prinsipial yondashuvda hamjihatmiz hamda uning salbiy xulq va yovuz niyatli faoliyatining takrorlanuvchi modeliga qat’iy javob ko‘rsatamiz”, — deya agentlik hujjat loyihasi matnidan iqtibos keltiradi, u esa Yevroittifoq va AQSh “misli ko‘rilmagan global chaqiriqlar”ni qanday qilib yengib o‘tishiga aloqador.
Unda, shuningdek, “Xitoyga nisbatan tegishli shunga o‘xshash ko‘p qirrali yondashuvlarimiz doirasida umumiy muammolar va imkoniyatlarning butun spektri bo‘yicha “yaqindan maslahatlashish va hamkorlik qilish” taklif etiladi.
Sammit Yevropa va AQShga “yanada demokratik, adolatli, tinch va xavfsiz dunyo yaratish uchun xususan ko‘p qirrali institutlarni mustahkamlash hamda tashqi siyosat va xavfsizlik siyosati sohasidagi hamkorlik mustahkamlash yo‘li bilan qoidalarga asoslangan xalqaro tartibga qattiq sodiqlikni tasdiqlash” imkonini beradi”, — deyiladi loyihada.
Shuningdek, unda sobiq prezident Donald Tramp davrida yuzaga kelgan savdo bahslari, xususan, tarif siyosati sohasidagi bahslarni ikkala tomon qanday qilib yengib o‘tishi mumkinligi bayon qilingan.
Yevroittifoq-AQSh sammiti 15-iyun kuni Bryusselda bo‘lib o‘tishi kutilmoqda, undan keyin esa Jenevada oliy darajadagi Amerika-Rossiya uchrashuvi bo‘lib o‘tishi kerak.
Mavzuga doir:
Izoh (0)