1-iyun kuni Eyfel minorasidan kattaroq asteroid Yer yaqinidan uchib o‘tadi, deb yozadi ixbt.com. Amerikaning Aeronavtika va koinotni tadqiq qilish boshqarmasi (NASA) ushbu asteroidni potensial xavfli asteroidlar sirasiga kiritmoqda, ammo u Yer yaqinidan eson-omon uchib o‘tishi kutilmoqda.
2021 KT1 asteroidi Yerga Toshkent vaqti bilan 1-iyun kuni 19:24 da yaqinlashadi. Albatta, asteroid va Yer o‘rtasidagi masofa kosmik ko‘lamga ega: 2021 KT1 Yerga taxminan 7,2 million kilometr masofada yaqin kelishi kutilmoqda.
Bu Yer va Oy o‘rtasidagi masofadan, taxminan, 19 marta kattaroqdir. Shunga qaramay, bu asteroidning ancha yaqin kelishi hisoblanadi, u soatiga 64 ming kilometr tezlikda harakatlanadi. Asteroidning diametri 150-330 metr bo‘lib, bu taxminan uchta futbol maydoniga teng.
Yerga yaqin obyektlarni o‘rganish markazi e’lon qilgan bayonotda yerliklar avtohalokatlar, kasalliklar va boshqa tabiiy ofatlarda shikastlanish ehtimoli sayyoraga yaqin kelayotgan asteroiddan jabr ko‘rishi ehtimolidan kattaroq ekani aytiladi. Asteroidning Yerga to‘qnashishi ehtimoli kam, ammo u nolga teng emas.
Ma’lumot uchun, Parijdagi Eyfel minorasining umumiy balandligi (uchi bilan qo‘shib hisoblaganda) 325 metrni tashkil qiladi.
Izoh (0)