Liviyada harbiy parad chog‘ida qiruvchi samolyot halokatga uchradi (video)

Liviyada mamlakat Milliy armiyasi qiruvchi samolyoti halokatga uchradi, uchuvchi halok bo‘ldi, deb yozadi “RBK”.

Al Jazeera o‘z manbalariga tayanib xabar berishicha, avariya 29-may kuni mamlakat sharqidagi Bengazi shahrida Liviya milliy armiyasi bosh qo‘mondoni feldmarshal Xalifa Xaftar ishtirokidagi harbiy parad chog‘ida sodir bo‘lgan. Ennaharonline yozishicha, gap “MiG-21” qiruvchi samolyoti haqida bormoqda.

“TASS”ning Liviya qurolli kuchlaridagi manbasiga ko‘ra, dastlabki ma’lumotlarga ko‘ra, halokatga texnik nosozlik sabab bo‘lgan. “Halokat oqibatida uchuvchi — brigada generali Jamol ibn Amir qurbon bo‘ldi. U paradda qatnashayotgan askarlarni o‘z hayoti evaziga qutqarib qoldi, agar uchuvchi samolyotni chetga olib chiqmaganida askarlar bilan halokat yuz bergan bo‘lardi”, — dedi u.

Agentlik hamsuhbati qiruvchi samolyotning modeliga aniqlik kiritmadi.

MiG-21 #LNA AF crashed in Benghazi, #Libya pic.twitter.com/DcHBXr2YK1

— Last Defender (@LastDef) May 29, 2021

#Libya: Footage of MiG-21 crash near Benina base during today's military parade. Truth be told, better air forces than #LNA's have trouble keeping the old soviet jet in use, e.g.#India, that had 3 MiG-21 crashes this yearpic.twitter.com/LlrJNGbO0z

— Yellow (@Yellow34950210) May 29, 2021

Liviya yetakchisi Muammar Kaddafiy 2011-yilda hokimiyatdan ag‘darilib, qatl qilingach, Liviyada yagona boshqaruv organini shakllantirib bo‘lmadi. Natijada qo‘shhukumat yuzaga keldi: Faiz Sarraj rahbarligidagi BMT tomonidan tan olingan Milliy kelishuv hukumati hamda bosh vazir Abdulla Abdurahmon at-Toniy Xaftar ko‘magida rahbarlik qiluvchi muvaqqat hukumat. Tomonlar o‘rtasidagi ziddiyat 2019-yil bahorida, Xaftar boshchiligidagi Liviya milliy armiyasi Tripoliga qarab harakatlangan chog‘ida keskinlashdi.

Nizo o‘tgan yilning oktabriga qadar davom etdi, shunda Milliy kelishuv hukumati va Liviya Milliy armiyasidan besh nafardan harbiylarni o‘z ichiga olgan qo‘mita a’zolari o‘t ochishni to‘xtatish haqida bitim imzolagan edi. So‘ng fevralda yagona hukumat hamda davlat rahbari vazifasini bajaruvchi prezident kengashi saylandi. 16-mart kuni Sarraj o‘z vakolatlarini Abdul Hamid Dbaybaning yangi hukumatiga va Muhammad al-Manfiy raisligidagi prezident kengashiga topshirdi.