Lojuvard sohildagi muhtasham koshona: Jorj va Amal Kluni xarid qilmoqchi bo‘lgan uyni ko‘zdan kechiramiz (foto)
Ayni vaqtda London va Italiyadagi Komoda yashaydigan Amal va Jorj Klunilar Fransiyaning janubidan narxi 7,9 million yevroni tashkil qiladigan uy sotib olmoqchi. Juftlik Brinolda joylashgan mazkur uyni xarid qilsa, Bred Pittga qo‘shni bo‘ladi.
Maydoni 172 gektarni tashkil qiladigan uy hovuz, tennis korti hamda 10 gektarlik uzumzorni o‘z ichiga oladi. Fransiyaning janubiga xos an’anaviy uslubda qurilgan mazkur turar joy devoriga tokzor chirmashib o‘sganini ko‘rish mumkin.
Agar Kluni xaridni amalga oshiradigan bo‘lsa, hamkasbi Bred Pitt bilan tez-tez ko‘rishib turishi aniq. Aktyorlar “Oushenning do‘sti” filmida birga suratga tushgan. Suratga olish ishlari asosan Italiyada Kluni yashaydigan Komo ko‘li yaqinida bo‘lib o‘tgan. Bu haqda yaxshi bilgan Bred shahar bo‘ylab Jorjni faqat janob Kluni yoki Denni Oushen deb murojaat qilishlarini va aslo uning ko‘ziga tik qaramasliklarini so‘ragani aks etgan e’lonni yopishtirib chiqqan.
“Bred shaharning barcha aholisi ko‘rishi uchun e’lonlarni shaharning barcha telefon ustunlariga yopishtirib chiqqan. Ertasi kuni mahalliy gazetalarda mening yulduzlik kasaliga chalinganim haqidagi xabarlar chiqqan”, — degan aktyor.
