Gollivud yulduzi Jessika Alba 40 yoshda: aktrisa o‘zining yoshi haqida qanday fikrda? (video)

Honest kosmetika kompaniyasining asoschisi Jessika Alba 2021-yil 28-aprel kuni 40 yoshga to‘ldi. Alba tavallud ayyomini turmush o‘rtog‘i — Kesh Uorren va farzandlari — Onor, Heven, Heyes bilan birgalikda nishonladi.

Shuningdek, The Tonight Show’da ishtirok etgan aktrisa bergan intervyusida o‘zining yoshi haqidagi fikrlarni oshkor qildi:

“Bu juda g‘alati tuyg‘u, chunki bolalikda bu yoshlar shunday... qo‘rqinchlidek tuyiladi, — deydi Jessika. — Siz uni juda katta yosh deb o‘ylaysiz. Ammo o‘sha yoshga yetib borganda, hali butun hayot oldinda ekanligini his qila boshlaysiz”.

https://www.instagram.com/reel/COOjJLgFhWS/?utm_source=ig_embed&ig_rid=2b35f7b2-379c-4f22-ae2e-743587a89e82

“Men buni qanday tushuntirishni bilmayman, lekin hammasi juda yaxshi tarzda ketayotganiga ishonchim komil”, — deya qo‘shimcha qildi aktrisa.

https://www.instagram.com/reel/COOjJLgFhWS/?utm_source=ig_embed&ig_rid=2b35f7b2-379c-4f22-ae2e-743587a89e82

Yulduz 40 yoshga to‘lganidan bir necha kun o‘tib, yana bir muhim voqeani nishonlashga muvaffaq bo‘ldi. U 1,45 milliard dollarga teng deya baholangan o‘zining ekologik toza kosmetika va maishiy mahsulotlarini ishlab chiqaradigan Honest kompaniyasining birjadagi birlamchi o‘rnini nishonladi.

Ma’lumotlarga ko‘ra, toksin va allergenlardan tozalangan xavfsiz kosmetika mahsulotlarini ishlab chiqaruvchi kompaniya 2008-yilda tashkil topgan. Alba ilk bor 2012-yilda jahon bozoriga kirib borgan va shu vaqtdan buyon faollik bilan rivojlanib kelmoqda.