Joze Mourinyo nima sababdan “Roma” taklifini qabul qilganini aytdi

Portugaliyalik mutaxassis Joze Mourinyo nima sababdan “Roma” taklifini qabul qilganini aytdi.

Fridkinlar oilasiga (“Roma” egalari) men tanlagani, ushbu ajoyib jamoani boshqarish va ularning rejalarining bir qismiga aylanish imkoniyatini bergani uchun minnatdorchilik bildirmoqchiman.

Klub egalari va bosh direktor Tiago Pintu bilan uchrashuvdan so‘ng darhol “Roma”ning ambitsiyalarini to‘laligicha anglab yetdim. Bu har doim meni ruhlantirib kelgan ambitsiyalardir, biz birgalikda yaqin yillarda muvaffaqiyatli loyihani qurmoqchimiz.

“Roma” muxlislarining g‘ayritabiiy ishtiyoqi bu taklifni qabul qilishimga turtki bo‘ldi va kelasi mavsumning boshlanishini intizorlik bilan kutyapman.

Shu bilan birga Paulo Fonsekaga o‘zimning eng yaxshi tilaklarimni bildiraman. Olg‘a, “Roma”!

Joze Mourinyo, murabbiy

Avvalroq portugaliyalik mutaxassisning “Roma” bilan 2024-yilning yoziga qadar mo‘ljallangan shartnoma imzolagani va 2021-yilning iyulidan ishga kirishishi haqida xabar berilgandi.

Mourinyo aprel oyida “Tottenhem” bosh murabbiyligidan iste’foga chiqarilgandi. Unga A Seriya begona emas, mutaxassis 2008—2010-yillar mobaynida “Inter”da ishlagan.

“Roma” mavsum tugashiga to‘rt tur qolganda A Seriya musobaqa jadvalida 7-o‘rinda bormoqda va Chempionlar Ligasiga yo‘llanma beradigan 4-pog‘onadan 14 ochko ortda qolmoqda.