“Roma” klubi bosh murabbiyi Paulo Fonseka mavsum yakunida jamoani tark etadi va uning o‘rnini Joze Mourinyo egallaydi. Bu haqda rimliklar rasmiy saytida ma’lum qilindi.
Portugaliyalik mutaxassis “Roma” bilan 2024-yilning yoziga qadar mo‘ljallangan shartnoma imzolagan. U 2021-yilning iyulidan ishga kirishadi.
Mourinyo aprel oyida “Tottenhem” bosh murabbiyligidan iste’foga chiqarilgandi. Unga A Seriya begona emas, mutaxassis 2008—2010-yillar mobaynida “Inter”da ishlagan.
“Roma” mavsum tugashiga to‘rt tur qolganda A Seriya musobaqa jadvalida 7-o‘rinda bormoqda va Chempionlar Ligasiga yo‘llanma beradigan 4-pog‘onadan 14 ochko ortda qolmoqda.
Ma’lumot uchun, Mourinyo murabbiylik faoliyati davomida “Leriya” (2001-2002), “Portu” (2002—2004), “Chelsi” (2004—2007, 2013—2015), “Inter” (2008—2010), “Real” (2010—2013) va “Manchester Yunayted” (2016—2018) kabi jamoalarda ishlagan.
Mavzuga doir:
- Benazir. “Real”ga ustozlik qilgan, undan oldin esa “Barselona”da tarjimon bo‘lgan Joze Mourinyo haqida
- Futboldan tashqari qiziqishlar, mashinalar va bir uyum reklama shartnomalari. Benazir Joze Mourinyo qanday hayot kechiradi?
- “Futbol atom urushiga o‘xshaydi”, “Makelele futbolchi emas, u — qul”. Joze Mourinyoning eng mashhur iqtiboslari
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)