Qirg‘iziston musulmonlari diniy idorasi ma’lum qilishicha, 30-apreldan epidemiologik vaziyat tufayli Bishkek masjidlarida juma namozlari vaqtinchalik to‘xtatiladi. Bu haqda Kloop xabar bermoqda. Shuningdek, masjidlarda iftorlar o‘tkazishga qo‘yilgan taqiq ham o‘z kuchida qoldi. Bu chora-tadbirlar poytaxtda epidemiologik vaziyat barqarorlashmagunicha amal qiladi.
Qirg‘iziston musulmonlari diniy idorasi aholini sanitariya qoidalariga rioya qilishga va kimda koronavirusning qandaydir belgilari bo‘lsa, masjidlarga tashrif buyurmaslikka chaqirdi.
Avvalroq diniy idora kafe va restoranlarda iftorlar o‘tkazishni taqiqlay olmasligini, chunki unda tegishli vakolat yo‘qligini qayd etgan edi.
29-aprel kuni Bishkekda Davlat sanitar va epidemiologik nazorat markazi koronavirusga chalinish holatlari bir oydan buyon kamaymayotgani sababli qo‘shimcha cheklovlar kiritgandi.
Ularga ko‘ra, epidemiologik vaziyat yaxshilanguniga qadar shahardagi cherkov va masjidlarga ommaviy ibodatlar, diniy yig‘ilishlar o‘tkazish cheklandi, shuningdek, ularga o‘z hududlarida ehtiyojmand odamlar uchun ovqat tayyorlash va tarqatish taqiqlandi.
Mavzuga doir:
- Qirg‘izistonda koronavirusga chalingan bemorlarni zaharli o‘t bilan davolash haqida aytgan sog‘liqni saqlash vazirining iste’fosi talab qilinmoqda
- Qirg‘izistonda koronavirusga qarshi emlash boshlandi. Birinchi bo‘lib sog‘liqni saqlash vaziri emlandi (video)
- Bishkekda koronavirus tufayli Navro‘z nishonlanmaydi
Izoh (0)