Bugun,

  • USD 11095.31
  • RUB 173.84
  • EUR 10772.44

Farg‘ona viloyati Yozyovon tumanida istiqomat qiluvchi 63 yoshli otaxon oilali erkakka nikoh o‘qigani uchun jazolandi. Bu haqda “Bu kun” informatsion dasturida xabar qilindi.

Qayd etilishicha, Yozyovon tumanida yashovchi 63 yoshli fuqaro 2020-yil 15-sentabr kuni shu tumanda yashovchi qonuniy nikohdan o‘tmagan fuqaro U. va R.ni 30 ming so‘m evaziga shar’iy nikohdan o‘tkazgan.

“Kelib, iltimos qilgani uchun yo‘q deyolmadim. Hammaning oldida jinoyatchi bo‘lib televideniyega chiqishni xohlamasdim. Chunki hammaga o‘rnak bo‘lib kelgan odam edim”, — deydi ayblanuvchi.

Ma’lum qilinishicha, 63 yoshli shaxsga bundan avval, 2020-yil 6-avgustda aynan ushbu qoidabuzarlik uchun sud hukmi o‘qilgan va BHMning 5 barobari miqdorida jarima tayinlangan.

Navbatdagi holat yuzasidan Yozyovon tumani sudi tomonidan otaxonga nisbatan 1 yil muddatga ozodlikdan cheklash jazosi tayinlangan.

Bundan avval Farg‘onada noqonuniy nikoh o‘qiganiga chora ko‘rmaslik uchun profilaktika inspektoriga 2 million so‘m pora taklif qilgan shaxs ushlangani, Andijonda tanishiga shar’iy nikoh o‘qigan fuqaro 15 sutkaga qamalgani hamda Andijonda o‘g‘liga shar’iy nikoh o‘qigan ota 3 sutkaga qamalgani haqida xabar berilgandi.

Izoh
Asosiy yangiliklar
Mahalliy
Saudiyalik tadbirkor O‘zbekistonda avtomashina ehtiyot qismlari ishlab chiqarishga sarmoya kiritadi 
Mahalliy
1000 dollar oylik olayotgan oʻqituvchilar, 1 mln nafardan oshgan talabalar, yangi qurilgan 27 ta TTJ — oliy taʼlim vaziri oʻrinbosari Komiljon Karimov bilan ekskly...
Mahalliy
Toshkentda 3 ta mashina ishtirokida YTH sodir bo‘ldi