Ushbu mavsumda dizaynerlar ikkilanmasdan, jasorat bilan ko‘proq yorqin ranglardagi liboslar tanlashni maslahat bermoqda. Quyida keltirilgan 10 zamonaviy obraz ham deyarli hech kimni e’tiborsiz qoldirmaydi.

Foto: Cosmopolitan

Chiroyli yengli keng va bejirim libos kundalik qiyofa uchun ajoyib tanlov bo‘la oladi. Ushbu bichimdagi ko‘ylaklar krossovka bilan ham, poshnali oyoq kiyimlar bilan ham mos tushadi.

Foto: Cosmopolitan

Midi uzunlikda yashil rangli libos bilan restoran, konsert yoki teatrlarga tashrif buyurish mumkin.

Foto: Cosmopolitan

Mayda xolli havorang libos romantik uslub egalari uchun ayni muddao. Bel qismining belbog‘ tarzida tikilishi qomatni yanada chiroyli ko‘rsatadi.

Foto: Cosmopolitan

Bo‘yni vizual tarzda uzaytirishni istaydiganlar old qismi uchburchak shaklda bichilgan liboslarni qo‘rqmasdan tanlashi mumkin. Shuningdek, qizildan biroz to‘q ranglar ushbu mavsumda ancha ommalashadi.

Foto: Cosmopolitan

Bahor mavsumini pushti rangdagi libossiz tasavvur qilib bo‘lmaydi. Keng va qulay bo‘lgan usbu modeldan ham kundalik uchun ajoyib obrazlar yaratishda foydalanish mumkin.

Foto: Cosmopolitan

Oddiy, ammo bejirim tikilgan mazkur libosni do‘stlar bilan uchrashuv yoki sayrlarga kiyish mumkin.

Foto: Cosmopolitan

Binafsha rang bahor uchun juda mos keladigan rang bo‘lib, tugma va belbog‘ detallari libosning ko‘rinishiga o‘z hissasini qo‘shgan.

Foto: Cosmopolitan

To‘qima uslubidagi ushbu libos ham sodda ko‘rinishda bo‘lsa-da, uni qo‘shimcha detallar bilan boyitish mumkin. Shuningdek, bejirim oyoq kiyimlar bilan uyg‘unlashtirish obrazni mukammal qilishi tabiiy.

Foto: Cosmopolitan

Yorqin ko‘k rangli libos oq poyabzal bilan ajoyib kombinatsiyani hosil qiladi. Shuningdek, qo‘sh etak bichimida tikilgan libos maksimal darajada qulaylik yaratadi.