Bugun,

  • USD 11095.31
  • RUB 173.84
  • EUR 10772.44

Kuvayt tarixida birinchi marta sud sobiq bosh vazir va hukmron shayxning oila a’zosi Jobir al-Muborak al-Hamad as-Sabohni qamoqqa olish to‘g‘risida qaror chiqardi. Bu haqda Reuters xabar berdi.

Foto: Kuwait Ministry of Defence

Foto: Kuwait Ministry of Defence
Sobiq bosh vazir harbiy vositalarni talon-toroj qilish va pora olishda ayblanmoqda. Al Rai va Al Jarida gazetalarining xabar berishicha, shayx Jobir hamda sobiq mudofaa va ichki ishlar vaziri Holid al-Jarrah al-Saboh o‘zlariga nisbatan e’lon qilingan ayblovlarni inkor etdi. Lekin sud hukmron shayx oilasining a’zosi bo‘lishiga qaramay, shayx Holidning ozod etilishini rad etdi.

Xorijiy OAVga bu masala yuzasidan hech qanday ma’lumot oshkor qilinmayapti. Kuvaytning o‘zida esa ushbu ish bilan bog‘liq har qanday nashrga qat’iy taqiq qo‘yildi. Keyingi sud majlisi 27-aprel kuni o‘tkaziladi.

Hukumat vakili sud qaroriga izoh bermadi.

Sobiq bosh vazirga nisbatan 2018-yilning noyabr oyida jinoiy ish ochilgan edi. As-Saboh armiya jamg‘armasidan 790 million dollar miqdoridagi mablag‘ni talon-toroj qilganlikda ayblanib, natijada 2019-yilda lavozimidan iste’foga chiqqan. As-Saboh 2011-yilda bosh vazir lavozimini egallagan edi.

Avvalroq Iroq Qurolli Kuchlari IShID yetakchilaridan biri — “Dajla amiri”ni qo‘lga oldi. Shuningdek, razvedka xodimlari uchta mototsikl va jangarilar tomonidan egallangan tunnelni yo‘q qilgan. Terrorchilik tashkiloti yangi rahbarining qo‘lga olingani haqida boshqa tafsilotlar berilmagan.

Gondurasda esa prezidentning ukasi Xuan Antonio Ernandes esa narkotik moddalarning noqonuniy savdosi uchun AQShda bir umrlik qamoq jazosiga hukm qilingani haqida xabar berildi. 2019-yilning oktabr oyida Ernandes narkotik moddalarning noqonuniy savdosiga aloqadorlikda aybdor deb topilgan. Unga eng kamida 40 yillik qamoq jazosi xavf solayotgan edi, lekin prokuratura bir umrlik qamoq jazosi belgilanishini talab qildi.

Izoh
Asosiy yangiliklar
Mahalliy
O‘zbekistonda Urug‘chilik hamda pistachilik ilmiy markazlari tashkil etiladi
Dunyo
Qirg‘izistonda 9 kishida “Seftriakson”ga allergik reaksiya kuzatildi, bir kishi vafot etdi
Maslahatlar
Shirinliklar o‘rniga nima iste’mol qilish mumkin? Qaddi-qomatga zararsiz tavsiyalar