Mahalliy

Buzilayotgan “Navro‘z”, metro qurilishida o‘g‘lidan ajralgan ayol, boks tushib oilasini boqayotgan bolakay. Hafta suratlari

10.04.2021, 23:56 56990

Hafta davomida dunyoning turli burchagida olingan suratlarni taqdim etamiz.

Kaliforniyaning Karlsbed shahridagi 50 gektarlik The Flower Fields bog‘ida Nora Miller do‘sti Emma Makkeynni ayiqtovon (ranunculus) gullari ichra suratga tushirmoqda.

Xitoyning Dujanyang shahridagi maydonga o‘rnatilgan ulkan panda.

Surxondaryo viloyatining Oltinsoy tumanidagi “Qo‘sharcha” mahallasida joylashgan “Nuroniylar” choyxonasi devoriga “2004-yil Mehr va muruvvat yili” deb yozib qo‘yilgan yozuv 17 yildan beri yangilanmagan. Qishloq ahli 100 yildan ortiq tarixga ega ushbu binodan masjid o‘rnida foydalanish uchun rasmiylardan ruxsat kutmoqda.

Mavzuga doir: O‘zbekistonda masjidlar soni 2088 taga yetdi

Tayvanning Xualyan uyezdi shimolida 51 kishining hayotiga <a href= — Tayvanning Xualyan uyezdi shimolida 51 kishining hayotiga zomin bo‘lgan poyezd halokati oqibatida shikastlangan vagon. Taxminan 500 yo‘lovchi va ekipajni olib ketayotgan tezyurar poyezd relsga tushib ketgan yuk mashinasi bilan to‘qnashuvi oqibatida voqea sodir bo‘lgan.

Tailandning Chachengsao viloyatidagi vaqtinchalik ringda boks uchrashuvi oldidan yuziga plastik himoya vositasi taqib olgan Pornpattara Pichuray ismli bokschi bola. Koronavirus bilan bog‘liq cheklovlar sabab faoliyatini to‘xtatgan to‘qqiz yoshli bolakay oradan besh oy o‘tib boksga qaytdi. U ishlab topgan pul oilasi uchun juda muhim daromad hisoblanadi. “Boksdan tushadigan barcha pullarni onamga olib borib beraman. Men bokschi ekanimdan va onam uchun pul ishlab topayotganimdan faxrlanaman”, – deydi u.

Toshkentdagi Minor masjidida Juma namozidan so‘ng Qur’on tilovatini eshitib o‘tirgan musulmonlar.

Mavzuga doir: O‘zbekistonda Ramazon oyining boshlanishi 13-aprel etib belgilandi

Meksikaning Syudad-Xuares shahrida siyosatchi Karlos Mayorga o‘zining “Agar sizga pand bersam, meni tiriklayin ko‘mishsin” deb nomlangan kampaniyasi doirasida tobutda yotibdi.

Vashingtonda gullagan sakura daraxti ostida mushuk va tulki ko‘rinishidagi kostyum kiyib olgan odamlar.

Mavzuga doir: Yaponiyada sakura so‘nggi 1200 yil ichida birinchi bor har doimgidan erta gulladi

Buyuk Britaniyaning Taynmut shaharchasi qirg‘og‘idagi mayoqqa urilayotgan ulkan to‘lqinlar.

Buzilayotgan Toshkentning Chilonzor tumanida joylashgan “Navro‘z” to‘yxonasi. Bino buzilgan hududda Alisher Navoiy nomidagi ijod maktabi, Alisher Navoiy nomidagi adabiyot muzeyining yangi binosi, yangi Milliy drama teatr binosi, mashhur yaponiyalik arxitektor Tadao Ando loyihasi asosida davlat san’at muzeyining namoyishlari kompleksini qurish boshlangan.

Buyuk Britaniyaning Bristol hayvonot bog‘ida ovqatlanayotgan lemur. Aksariyat lemurlarning 9 taga yaqin hid bilish mo‘ylovi bo‘ladi.

Grenlandiyaning Nuk shahri yaqinidagi tog‘ cho‘qqisiga botayotgan quyoshning qizg‘ish nurlari tushmoqda.

Dominikan poytaxti Santo Domingo shahrida Pasxa bayramini nishonlab, sham ushlab turgan qiz.

Bonchuk laqabli ayiqcha shimpanze do‘sti Jan bilan Turkiyaning Gaziantep hayvonot bog‘ida birga o‘ynamoqda.

Mavzuga doir: Chexiyada ikkita turli hayvonot bog‘idagi shimpanzelar zerikmasligi uchun ularga videoaloqa o‘rnatib berildi

Qirollik oilasining ashaddiy muxlisi London markazidagi Bukingem saroyi oldida Edinburg gersogi Britaniya shahzodasi Filipp vafot etgani haqidagi xabardan keyin hurmat bajo keltirmoqda.

Mavzuga doir: Shavkat Mirziyoyev Qirolicha Yelizaveta II nomiga shahzoda Filipp vafoti munosabati bilan hamdardlik yo‘lladi

Dakkadagi suv yo‘li ertalab daryo orqali ishga ketayotgan odamlarning qayig‘i bilan to‘lgan.

Do‘kon peshtaxtasiga kreativ usulda etikka ekilgan o‘simlikni qo‘yayotgan xodim. Londondagi Selfridges do‘konlar tarmog‘i 12-aprel kuni yumshatiladigan koronavirus sabab joriy qilingan uchinchi lokdaundan so‘ng ochilishga tayyorlanmoqda.

Seul shahrining Xan daryosi yaqinidagi restoranda koronavirus tarqalishiga qarshi ijtimoiy masofani saqlab, plastik pufakchalar ichida ovqatlanayotgan odamlar.

Bangladeshning Narayanganj shahridagi Shitalaxsya daryosida paromning yuk kemasi bilan to‘qnashishi oqibatida cho‘kib ketganlarning jasadlari olib chiqildi. Paromda bo‘lganlarning qarindoshlari jasadlar ichidan o‘z yaqinlarini qidirmoqda.

AQShning Kanzas shtatidagi Shawnee Mission Park’da joylashgan ko‘lda baydarkada o‘tirgan odam.

2021-yil 6-aprel kuni Rim shahrida umumiy ovqatlanish biznesiga qo‘yilgan COVID-19 cheklovlari sababli restoran egalari va politsiya o‘rtasidagi janjalda qatnashayotgan ayol. O‘tgan haftada vazirlar mahkamasi bar va restoranlar aprel oyida faqat yetkazib berish xizmatini taklif qilishi mumkin, degan qarorga keldi. Bu esa emlash kampaniyasi bir maromda ketayotgani va koronavirusga chalinayotgan odamlar soni nisbatan barqaror bo‘lib qolayotgani sababli cheklovlar yumshatilishidan umid qilgan ko‘plab kompaniyalar noroziligiga sabab bo‘ldi.

47 yoshli Farog‘at Turobova aravasini sudrab, Toshkent shahri ko‘chalarida yelim idish izlamoqda. Farog‘at Turobova — Yunusobod metrosida yuz bergan fojiada <a href= — 47 yoshli Farog‘at Turobova aravasini sudrab, Toshkent shahri ko‘chalarida yelim idish izlamoqda. Farog‘at Turobova — Yunusobod metrosida yuz bergan fojiada halok bo‘lgan Ixtiyor Rahmatovning onasi. “Faqat men ishlasam, uy-joy olib bersam bo‘ldi, derdi. Televizorda yaxshi uylarni ko‘rsa, men shunday uy qilib beraman, derdi... Agar u hayot bo‘lganida, men ko‘chalarda baklajka terib yurmasdim”, — deydi ayol.

Avvalgi kunlarning fotogalereyalari: