Bugun,

  • USD 11095.31
  • RUB 173.84
  • EUR 10772.44

Tesla kompaniyasi 24-mart kuni o‘z mahsulotlari uchun bitkoinlar bilan to‘lash imkoniyatini qo‘shdi. Bu haqda kompaniya rahbari Ilon Mask o‘zining Twitter akkauntida e’lon qildi, deb yozmoqda “RBK”.

Foto: Reuters

Foto: Reuters

“Endi Tesla’ni bitkoinga sotib olishingiz mumkin”, — deb yozgan Mask.

Hozircha bunday to‘lov usuli faqat AQSh mijozlari uchun mavjud, boshqa mamlakatlarda 2021-yilning oxirida joriy etiladi.

“Tesla to‘lov sifatida olingan bitkoinlarni fiat valyutasiga (oddiy qog‘oz pul) aylantirmaydi”, — deb ta’kidladi Mask.

Kompaniyaning e’loni fonida bitkoin kursi keskin ko‘tarila boshladi. Hozir bir bitkoin 55,4 ming dollarga baholanmoqda.

Fevral oyining boshida Tesla AQShning qimmatli qog‘ozlar bo‘yicha komissiyasiga (SEC) kriptovalyuta yordamida to‘lash imkoniyatini qo‘shish haqida xabar bergan edi. Kompaniya bu haqda 1,5 milliard dollarlik bitkoin sarmoyasini oshkor qilgandan keyin e’lon qildi. Kriptovalyutani sotib olishda kompaniyaga Amerikaning Coinbase kriptobirjasi yordam berdi.

Maskning ta’kidlashicha, Tesla’ning harakatlari to‘g‘ridan to‘g‘ri uning qarashlarini aks ettirmaydi, chunki Mask bitkoinni “naqd pulni jamg‘arishga qaraganda likvidlikning kamroq ahmoqona shakli” deb hisoblaydi. Kompaniya rahbari 1,5 milliard dollar miqdorida kriptovalyutadagi investitsiyasi borligini tan oldi.

Avvalroq internetda Model Pi kodli nomi osida ishlab chiqarilayotgan potensial Tesla smartfonining birinchi renderlari paydo bo‘ldi. Ilon Maskning kompaniyasiga tegishli qurilma tasvirlari Xitoyning MyDrivers saytida e’lon qilindi.

Izoh
Asosiy yangiliklar
Sport
Messining “Barselona”ga qaytish ehtimoli bor. Xavi va Leo doimiy aloqada bo‘lib turibdi 
Mahalliy
Farg‘onada Qirg‘izistondan keltirilgan psixotrop moddalar savdosi bilan shug‘ullanganlar ushlandi
Mahalliy
Qashqadaryo viloyatida qurilgan namunali uylar qulab tushish arafasida ekani aytilmoqda (video)