Qalqonsimon bez faoliyati buzilganidan darak beruvchi simptomlar
Qalqonsimon bez organizmning kichik, ammo juda muhim qismidir, u tanadagi ko‘plab jarayonlarni tartibga soladi. Hatto miyaning normal ishlashi ham qalqonsimon bez faoliyatiga bog‘liq. Shuning uchun organizmda eng kichik o‘zgarish kuzatilsa ham shifokor bilan maslahatlashish juda muhimdir. Qalqonsimon bez faoliyatiga bog‘liq bo‘lgan ba’zi sezilmas alomatlar haqida gaplashamiz.
Uyqu bilan bog‘liq muammolar
Agar hech qanday sababsiz uxlashda qiynalsangiz: uzoq vaqt uxlay olmay, kechasi uyg‘onib ketsangiz yoki ertalab o‘zingizni haddan tashqari charchagan holda his qilsangiz, bu qalqonsimon bezning haddan tashqari faolligi natijasi bo‘lishi mumkin. Gap shundaki, qalqonsimon bez ishlab chiqaradigan T3 va T4 gormonlari asab tizimi faoliyatini haddan tashqari tezlashtirib, uyqusizlikka olib kelishi mumkin.
Mavzuga doir: Uyqusizlikda samarali yordam beruvchi 10 ta maslahat
Doimiy tashvish va bezovtalik hissi qalqonsimon bez faoliyati buzilganining yana bir alomatidir. U ishlab chiqarishga mas’ul bo‘lgan gormonlar darajasining oshishi miya faoliyatining kuchayishini, doimiy hayajonni keltirib chiqarishi mumkin.
Mavzuga doir: Behuda xavotir va tashvishlardan qanday qutulish mumkin?
Ichak faoliyati qalqonsimon bez holatiga bevosita bog‘liq. Gap shundaki, qalqonsimon bez gormonlari oshqozon-ichak trakti faoliyatini ham boshqaradi. Agar gormonlar yetarlicha ishlab chiqarilmasa yoki aksincha, ko‘payib ketsa, uning ish faoliyati buziladi. Shu sababli diareya yoki qabziyat kuzatiladigan bo‘lsa, endokrinologga murojaat qilish va qalqonsimon bez ishlab chiqaradigan gormon darajasini tekshirtirish lozim.
Sochlarning siyraklashishi
Sochlar zaiflashib, qoshlar siyraklashsa, endokrinologga murojaat qilish kerak. Qalqonsimon bez gormonlarining yetishmasligi soch o‘sishi sikliga ta’sir qiladi, soch follikulalarini karaxtlik holatiga solib, o‘sish jarayonini to‘xtatadi.
Mavzuga doir: Bahorda soch to‘kilishining 4 asosiy sababi
Qalqonsimon bez faoliyatining haddan tashqari faol bo‘lishining eng keng tarqalgan belgilaridan biri — bu ortiqcha terlashdir. Bu metabolizmni rag‘batlantiradigan va energiya darajasini oshiradigan qondagi gormonlar darajasining ko‘payishi bilan bog‘liq.
Vazn o‘zgarishi
Qalqonsimon bez faoliyati buzilishining yana bir klassik alomati sababsiz vazn ortishi hisoblanadi. Bez faolligi pasayganda, gormonlar yetishmasligi tufayli metabolizm susayadi va organizm kamroq kaloriyani energiyaga aylantiradi.
Mavzuga doir: “Deyarli hech narsa yemasam ham, ozmayapman”. Endokrinolog muammo nimada ekanligiga izoh berdi
Qalqonsimon bez yetarli darajada faol bo‘lmasa, miya faoliyati ham sekinlashadi. Qalqonsimon bez funksiyasining susayishi tashxisi qo‘yilgan bemorlar xotira bilan bog‘liq muammolar, ong xiralashishi, tanish vazifalarni hal qilishdagi qiyinchiliklardan shikoyat qiladi.
Mavzuga doir: Xotira yomonlashishining 8 sababi va nima uchun ushbu simptomlarga befarq bo‘lmaslik kerak?
Organizmdagi energiya darajasining o‘zgarishi ham qalqonsimon bez faoliyatiga bog‘liq: agar o‘zingizni energiya manbayidek his qilsangiz, yurak urishi tezlashsa, bu qalqonsimon bez faoliyatining kuchayganidan darak bo‘lishi mumkin. Aksincha, o‘zingizni holsiz sezsangiz, uyqungiz kelaversa, bunday holat gormonlar yetishmasligi tufayli bo‘lishi mumkin. Har qanday holatda ham endokrinolog tekshiruvidan o‘tishni ortga surmagan ma’qul.
