Amerikalik astronavtlar Viktor Glover va Maykl Xopkins 13-mart kuni ta’mirlash-montaj ishlarini bajarish uchun Xalqaro kosmik stansiya (XKS) bortidan ochiq koinotga chiqdi. Bu haqda NASA’ga tayanib, “Interfaks” xabar berdi.
Foto: NASA
AQShning sharqiy sohil vaqti bilan soat 08:14 da (Toshkent vaqti bilan 18:14 da) Quest modulidan chiqish boshlangan. U taxminan 6,5 soat davom etadi.
Caught in action! Check out @Astro_illini leaving or “egressing” the @Space_Station. Already outside the hatch, he is joining @AstroVicGlover for the duo’s second spacewalk together.
🔴 – Glover's or “Ike's” suit has red stripes
⚪️ – Hopkins' or” Hopper's” suit has no stripes pic.twitter.com/203mdc4KUi— NASA (@NASA) March 13, 2021
Sovutish tizimining samaradorligini oshirish uchun astronavtlar yangi kabellarni o‘rnatishi, elektr kabellarini Yevropaning Columbus modulidagi Bartolomeo platformasiga ulashi kerak. Astronavtlar 2021-yilning 28-fevral kuni ochiq kosmosga chiqqanida mexanik muammolar sababli ushbu vazifani bajarishning iloji bo‘lmagan.
Shuningdek, ular Unity modulidagi simsiz antennani almashtirishi, lyuk ochilganda “uchib ketishiga” yo‘l qo‘ymaslik uchun Quest termal qopqog‘iga tirgak o‘rnatishi, bundan tashqari, stansiyada ikkita yuqori aniqlikdagi kameralarni internetga ulash uchun kabellar o‘tkazishi kerak.
Bu ekipaj a’zolarining 2021-yil hisobidan XKSdan to‘rtinchi marta, butun tarix bo‘yicha esa 237-marta ochiq koinotga chiqishi hisoblanadi.
Avvalroq XKSdan og‘irligi 2,5 tonnali, eski batareyalari bo‘lgan keraksiz platforma tashlab yuborilgani, eski batareyalardan iborat platforma SSRMS masofaviy manipulyatori tomonidan qabul qilingani va xavfsiz holatga keltirilgandi. Shundan keyin u XKSdan tashlab yuborildi.
