Bugun,

  • USD 11095.31
  • RUB 173.84
  • EUR 10772.44

Qo‘qon davlat pedagogika institutiga o‘qishga kiritib qo‘yish uchun 3 ming dollar pora olgan dekanga sud hukmi o‘qildi.

Bu haqda xabar bergan Farg‘ona viloyat sudi sudyasi Bekzod Haydarovning ma’lum qilishicha, Qo‘qon davlat pedagogika institutining tabiiy fanlar fakulteti dekani lavozimida ishlagan V.U. fuqaro G.I.ga ushbu oliy ta’lim muassasasining jismoniy madaniyat fakultetiga o‘qishga kirishida yordam berishini va’da qilgan. Dekan ushbu institutning ichki nazorat va monitoring bo‘limi uslubchisi vazifasida ishlovchi X.B. bilan oldindan jinoiy til biriktirib, fuqarodan 3 ming dollar talab qilgan.

Bosh prokuratura huzuridagi departamentning Qo‘qon shahar bo‘limi va DXX xodimlari hamkorligida o‘tkazilgan tezkor tadbirda institut dekani va uslubchisi talab qilingan pullarni olayotgan vaqtida ushlangan.

Jinoyat ishlari bo‘yicha Dang‘ara tuman sudi hukmiga ko‘ra, V.U. Jinoyat kodeksining tegishli moddalariga asosan bir yil muddatga mansabdorlik va moddiy javobgarlik lavozimlarida ishlash huquqidan mahrum qilingan. Shuningdek, unga nisbatan 44 million 600 ming so‘m jarima jazosi tayinlangan.

X.B. esa bir yil moddiy javobgarlik va mansabdorlik lavozimlarida ishlash huquqidan mahrum qilinib, 16 million 725 ming so‘m jarimaga tortilgan.

Izoh
Asosiy yangiliklar
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Mahalliy
Samarqandda o‘quvchining onasi “zamdirektor”ni kaltakladi