O‘zbekistonda 1999-yil 1-iyuldan 2021-yil 1-martga qadar 457 ming nafardan ortiq ayolga 54 yoshdan imtiyozli asoslarda yoshga doir pensiya tayinlangan. Bu haqda Pensiya jamg‘armasi matbuot xizmati xabar berdi.
Shundan 1999-yilda 4960 nafar, 2000-yilda 10 125 nafar, 2001-yilda 10 857 nafar, 2002-yilda 10 201 nafar, 2003-yilda 11 497 nafar, 2004-yilda 12 955 nafar, 2005-yilda 14 062 nafar, 2006-yilda 14 832 nafar, 2007-yilda 14 867 nafar, 2008-yilda 16 774 nafar, 2009-yilda 18 736 nafar, 2010-yilda 22 305 nafar, 2011-yilda 18 866 nafar, 2012-yilda 20 059 nafar, 2013-yilda 19 354 nafar, 2014-yilda 22 163 nafar, 2015-yilda 31 554 nafar, 2016-yilda 33 485 nafar, 2017-yilda 34 507 nafar, 2018-yilda 36 702 nafar, 2019-yilda 37 320 nafar, 2020-yilda 35 584 nafar va 2021-yil yanvar—fevral oylarida 5261 nafar ayolga 54 yoshdan imtiyozli asoslarda yoshga doir pensiya tayinlangan.
Qayd etilishicha, dunyo va MDH davlatlarining pensiya qonunchiligida ayollarga 54 yoshdan imtiyozli asoslarda yoshga doir pensiya tayinlash nazarda tutilmagan.
Avvalroq O‘zbekistonda mittilik (pakana) kasalligiga chalingan shaxslar imtiyozli ravishda 15 yil avval pensiyaga chiqishi mumkinligi, pensiya tayinlashda 2005-yildan avvalgi yillar uchun ish stajini tasdiqlovchi hujjatlar talab etilmasligi haqida xabar berilgan edi.
Izoh (0)