Bugungi kunda barcha sohalar qatori neft va gaz sohasida ham ichki turizmni rivojlantirishga keng e’tibor qaratilmoqda. Bu borada fuqarolarni mamlakatimizning madaniy, tarixiy merosi bilan tanishtirish borasidagi O‘zbekiston Respublikasi Prezidentining qarori o‘ziga xos ahamiyat kasb etmoqda.
8-mart — Xalqaro xotin-qizlar kuni munosabati bilan Muborak gazni qayta ishlash zavodining sex va bo‘limlarida ishlab chiqarish, jamoat ishlarida ilg‘or qatnashgan bir guruh xotin-qizlar Samarqand shahriga ikki kunlik turistik sayohatga yuborildi.
Sayohat davomida ayollar qadimiy Samarqandning diqqatga sazovor joylari, ko‘p yillik tarixini o‘zida aks ettiruvchi me’moriy obyekt va qadimiy yodgorliklari bilan yaqindan tanishish imkoniyatiga ega bo‘ldi. Ayollar sayohat davomida Registon maydonidagi Tillakori, Sherdor, Ulug‘bek madrasalari, Amir Temur maqbarasi, Go‘ri Amir ziyoratgohi, Shoxi Zinda majmuasida bo‘ldi.
Shuningdek, O‘zbekiston Respublikasining Birinchi Prezidenti Islom Karimovning Hazrati Xizr maqbarasi yonidagi qabri ham ziyorat qilindi.
“O‘zbekneftgaz” AJ birlashgan kasaba uyushma qo‘mitasi hamkorligida, imtiyozli ravishda uyushtirilgan mazkur sayyohlik tadbiri orqali ishtirokchilar tarix nafasini his qilish imkoniga ega bo‘ldi.
“O‘zbekneftgaz” AJ matbuot xizmati
Izoh (0)