Boks bo‘yicha Rio—2016 Olimpiadasi g‘olibi va Jahon chempioni Shahobiddin Zoirov Tokio—2020 Olimpiya o‘yinlari litsenziyasi uchun Iordaniyadagi musobaqa haqida fikr bildirar ekan, o‘z vazn toifasidagi raqiblaridan biri hindistonlik Amit Pangal borasida gapirdi.
2020-yilning bahorida o‘tkazilgan litsenzion musobaqada Zoirov va Amit yarim finalda o‘z yurishini to‘xtatgandi. Shundan keyin hindistonlik bokschi o‘z intervyularining birida Shahobiddin va o‘zining mag‘lubiyatiga litsenziya qo‘lga kiritilgandan keyingi xotirjamlik sabab bo‘lgani haqida aytgandi.
Bir sabab bordir, men yutqazdim. Hamma bokschi yutqazadi-ku. Jahon chempionati Amit menga yutqazadi deb kim ham o‘ylagandi? Hamma uni chempion bo‘ladi deb o‘ylagandi.Eslatib o‘tamiz, Zoirov Iordaniyadagi musobaqada tailandlik Titisan Panmotga imkoniyatni boy berib qo‘ygandi.Biroq men uni yutishimni bilgandim va bundan keyin ham yutaman. Amit men uchun bokschi emas. Bu gapni o‘ziga ham aytaman.
Shahobiddin Zoirov, bokschi
2019-yil Rossiya o‘tkazilgan Jahon chempionatida Zoirov finalda Amitni mag‘lub etib, chempionlikni qo‘lga kiritgandi. Amit Pangal mutlaq yengil vazn toifasining yetakchilaridan biri hisoblanadi. U 2018-yilgi Osiyo o‘yinlarida finalda o‘zbekistonlik bokschi Hasanboy Do‘smatovni mag‘lub etgan holda g‘oliblikni qo‘lga kiritgandi. Shuningdek, 2019-yilda Osiyo chempionligini ham qo‘lga kiritgan.
Zoirov Bolgariyada o‘tgan Stranja—2021 musobaqasi yarim finalida Hindiston vakili Dipak Kumarga yutqazib qo‘ydi. Biroq bu gaplarni bokschi jangdan ancha avval aytgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)