Gollivud yulduzlarining eng muvaffaqiyatli soch turmagidan so‘ng ularning haqiqiy yoshiga ishonish qiyin.

Foto: Cosmopolitan

Riz Uizerspun – 44 yosh

Foto: Cosmopolitan

Yoshligidan buyon sariq sochli Riz turmagiga unchalik ham ahamiyat bermagan. Ko‘pincha uning sochlari uzun ko‘rinishda edi. Keyinchalik u sochlarini kalta qilib kesib tashladi va yangi ko‘rinishidan mamnun bo‘ldi. Albatta, aktrisa yangi turmakdan so‘ng yanada yosharishga erishdi.

Kira Naytli – 35 yosh

Foto: Cosmopolitan

Uzun va jingalak sochli Kira tashqi ko‘rinishi borasida tajriba qilishga qaror qildi. U avval sochlarini kesdi, so‘ngra film uchun yana o‘stirdi. 2005-yilda aktrisa yana o‘zgarish uchun sochini sariqqa bo‘yab, biroz kaltalatdi. Keyinroq esa xuddi erkaklarning soch turmagidek kesib tashladi. Lekin bu kabi ko‘rinish bilan uzoq yurmadi, chunki obraz juda zerikarli edi. Suhbatlarning birida esa Kira kalta soch turmagini yoqtirishini aytib o‘tgan.

Sara Jessika Parker – 55 yosh

Foto: Cosmopolitan

Gollivudning sevimli aktrisasi yoshligidan o‘zining uzun sochlari bilan faxrlanib kelgan. Yulduzning sochlari sariq va tekis bo‘lib, yuzi ham biroz cho‘ziq shaklda. Shuning uchun aktrisaga hajmdor turmaklar juda mos keladi. Ammo uning ushbu soch turmagidan so‘ng hech kim aktrisaga 55 yosh bermasa kerak. Turmak chindan ham unga juda mos tushgan.

Kristina Richchi – 41 yosh

Foto: Cosmopolitan

Doim yosh ko‘rinuvchi hamda o‘zining katta-katta ko‘zlari bilan Gollivudni zabt etgan Kristinani hech kim bilan adashtirib bo‘lmaydi. Ko‘pchilik uni “Addamsning oilasi” filmidagi uzun qora soch Uensday Addams obrazi bilan yodga oladi. Ammo Kristina uchun uzun sochlar ahamiyatga ega emas. U tashqi ko‘rinish borasida tez-tez tajriba o‘tkazib, uni tubdan o‘zgartirib turadi.

Sharliz Teron – 45 yosh

Foto: Cosmopolitan

Aktrisa hayotda ham, rol uchun ham jasorat bilan tashqi ko‘rinishiga o‘zgarishlar kiritib boradi. Balki aktrisaning aynan shu turmagi uni hamisha bir xil – yosh ko‘rsatar.

Dryu Berrimor – 45 yosh

Foto: Cosmopolitan

Dryu Berrimor quvnoq, optimist hamda romantik ayol. Uning soch turmagi ham aktrisaning xarakterini aks ettiradi. Yoqimli tabassumga ega Dryu hajmdor turmak va tillarangni yaxshi ko‘radi.

Helen Mirren – 75 yosh

Foto: Cosmopolitan

Yoshi o‘tib borayotganiga qaramay, Helen sochlarini muntazam ravishda kaltalatib turadi. Uning sochi qancha kalta bo‘lsa, shuncha yaxshi. Sochlarga oq tushishi hech narsani anglatmaydi. Ularni bo‘yash bilan muammoni bartaraf etish mumkin.

Kameron Dias – 48 yosh

Foto: Cosmopolitan

Gollivud aktrisasi o‘zining beqiyos tashqi qiyofasi va energiyasiga mos sarg‘ish sochni afzal ko‘radi. Ammo u sochini bir marotaba jigarrang, keyin esa qora rangga bo‘yagan. Keyinchalik sarg‘ish rang hamda kaskad uni yanada go‘zal ayolga aylantirgan. Balki tomoshabinlarga ham uning ushbu ko‘rinishi ma’qul kelar.