UFC reytingni yangiladi: Kamaru Usmon umumiy reytingda yuqoriladi, Stipe Miochich esa pastladi

UFC 258 musobaqasi bo‘lib o‘tgandan keyin 17-fevral kuni UFC’ning yangilangan reytingi e’lon qilindi.

Unga ko‘ra, umumiy reytingda yarim o‘rta vazn toifasi chempioni Kamaru Usmon vazn toifasidan qat’i nazar reytingda og‘ir vazn toifasi chempioni Stipe Miochichni ortda qoldirdi va 4-o‘ringa ko‘tarildi. Mazkur reytingda hamon yengil vazn divizioni chempioni Habib Nurmagomedov birinchi bo‘lib turibdi. Uning ortidan Jon Jons va Israel Adesanya bormoqda.

Shuningdek, bir qancha divizionlar reytingida ham o‘zgarishlar ro‘y bergan. Hamzat Chimayev o‘rta yengil vazn toifasida bir pog‘ona yuqorilab, 14-o‘ringa ko‘tarildi. Yarim yengil toifa vakili Den Ij esa divizion top-10 ligiga kirdi.

Eslatib o‘tamiz, Kamaru Usmon UFC 258 musobaqasida Girbert Byornsni nokautga uchratib, chempionlik kamarini himoya qildi.

Ushbu havola orqali barcha vazn toifalari reytingi bilan tanishing.