Bugun,

  • USD 11095.31
  • RUB 173.84
  • EUR 10772.44

Bugungi kunda O‘zbekistonda 2100 ta islomiy tashkilot, 191 ta noislomiy diniy tashkilot mavjud. Boshqa dinlarga e’tiqod qiladigan diniy ozchilikka mansublar soni 1,5 million nafarga yaqin bo‘lib, ular ham O‘zbekiston fuqarolari hisoblanadi. Bu haqda 15-fevral, dushanba kuni adliya vaziri ishtirokida o‘tkazilgan matbuot anjumanida ta’kidlab o‘tildi, deya xabar bermoqda “Daryo” muxbiri.

Foto: “Daryo”

Foto: “Daryo”

“Vijdon erkinligi, diniy erkinliklar bo‘yicha O‘zbekistonning yutuqlarini e’tirof etishimiz kerak. Vijdon erkinligi bo‘lganidan keyin biz nafaqat Islom dini bilan bog‘liq bo‘lgan huquqlarni, balki noislomiy qatlamning huquqlarini ham ta’minlashimiz lozim. Bu davlat sifatida oldimizda turgan eng katta vazifalardan bittasi. Chunki vijdon erkinligi huquqi — bu Konstitutsiya bo‘yicha hamma fuqarolarga berilgan.

Bitta raqamni aytaman: O‘zbekistonning 4 ming nafar fuqarosi noislomiy diniy tashkilotlar a’zosi. Yoki ko‘plarining umuman dinga bo‘lgan munosabati boshqacha, hech qanaqa munosabat yo‘q. Bu to‘g‘ridan to‘g‘ri qonunda yozilgan kafolat. Shuning uchun Adliya vazirligi sifatida huquqiy nuqtayi nazardan aytishimiz kerakki, bitta dinning ikkinchi dinga nisbatan hech qanday adovati bo‘lmasligi kerak.

Bizda missionerlik faoliyati, prozelitizm bejiz taqiqlanmagan. Nima uchun bunday qilingan? Birinchidan, bu diniy bag‘rikenglik, tolerantlik bo‘lishi uchun qilingan. Ikkinchidan, kimningdir diniy qarashlarini ikkinchi odamga tazyiq orqali singdirilishiga umuman yo‘l qo‘yilmaydi va davlat sifatida biz buni ta’minlab berishimiz kerak. Chunki chet elliklar ham o‘zaro suhbatlarimizda shu haqda aytishadi”, — dedi u.

Foto: “Daryo”

Foto: “Daryo”

Davletov o‘z nutqida mamalakatdagi musulmonlarning diniy haq-huquqlarini ta’minlash bo‘yicha ko‘plab erkinliklar berilganini qayd etdi.

“O‘zbekiston xalqining 90 foizi musulmon, musulmonlarning diniy haq-huquqlarini ta’minlash bo‘yicha ko‘plab erkinliklar berildi. Bilasizlar, ‘ibodat libosi’ deb qancha chalkashliklarga yo‘l qo‘yilgandi, [ro‘mol yoki hijobda] jamoat joyida yurish bo‘yicha qanday muammolar bor edi, ma’muriy javobgarlikka tortilardi... Hozir bular ko‘pchilikning esidan chiqib ketgan, lekin yaqin tariximizda shu muammolarning barchasi bor edi. Bugun bu muammolar yo‘q.

Shu bilan birga, boshqa yo‘nalishlarda ham biz umuman dunyoviy davlat nuqtayi nazaridan ana shu huquqlarni ta’minlab berishimiz shart. Adliya vazirligi mana shu dunyoviylik prinsipi bo‘yicha har bir shaxsning diniy huquqlarini, shaxsiy huquq va erkinliklarini ta’minlash bo‘yicha ishlarini, albatta, davom ettiradi”, — dedi adliya vaziri.

Izoh
Asosiy yangiliklar
Dunyo
AQSH osmonida razvedkachi havo shari aniqlandi. Pentagon sharni Xitoyga tegishli deb hisoblamoqda (video)
Mahalliy
O‘zbekistonning qator hududlarida 4-fevral kuni ham yomg‘ir yog‘adi
Kino
Kino ijodkorlar tomonidan ishora qilingan, ammo ko‘pchilik payqamagan mashhur filmlardagi detallar (foto)