Bugun,

  • USD 11095.31
  • RUB 173.84
  • EUR 10772.44

Adliya vaziri ishtirokida 15-fevral, dushanba kuni o‘tkazilgan matbuot anjumanida Ruslanbek Davletov O‘zbekistonda yig‘ilishlar, mitinglar va ko‘cha yurishlarini tashkil etish SSSR Oliy Kengashi Prezidiumining 1988-yildagi farmoni bilan tartibga solinishi haqidagi ma’lumotlarga nisbatan munosabat bildirdi, deya xabar bermoqda “Daryo” muxbiri.

Foto: “Daryo”

Foto: “Daryo”

“Bu hujjat bizda amal qilmaydi. Chunki u yerda [prezidium farmonida] yozilgan organlar, munosabatlar tizimi bugungi kunda mavjud emas. Lekin bizning qonunchilikka asosan, ya’ni 1991-yildagi hujjatda O‘zbekiston qonunchiligiga zid kelmagan qismi bo‘yicha SSSR hujjatlari amal qilishi qayd etilgan. Ammo u yerda yozilgan me’yorlar hozirgi, amaldagi qonunchilikka to‘g‘ri kelmaydi. Chunki bugungi kunda ‘raykom’ yo‘q-ku. Hokimiyatni ‘raispolkom’ning huquqiy vorisi, deb qaray olmaysiz. Bu umuman boshqa-boshqa organ. Shuning uchun u [prezidium farmoni] amalda emas”, — dedi Davletov.

Uning ta’kidlashicha, Ichki ishlar vazirligi tomonidan ishlab chiqilgan “Majlislar, yig‘ilishlar va namoyishlar to‘g‘risida”gi qonun loyihasi qayta ko‘rib chiqish uchun yuborilgan.

“Biz loyihani ko‘rganmiz, ammo uni qaytarib yuborganmiz. Adliya vazirligi nuqtayi nazardan huquqiy ekspertizada katta masalalar bo‘lgani uchun qaytarib yuborganmiz. Bu ikki-uch marta qayta ishlandi, lekin oxirgi variantini biz ko‘rmadik hali. Ammo bu qonun, albatta, kerak, loyiha bekorga ishlab chiqilmadi. U davlat dasturlari, ko‘rsatmalar asosida ishlab chiqilgan.

Ta’kidlash kerakki, bu borada qonunbuzarlik uchun ma’muriy va jinoiy javobgarlik bor. Lekin tartibi bizda xalqaro protsessual tartibga solingan. Ommaviy tadbir sifatida qarorlar belgilangan, ammo hamma miting ham ommaviy tadbirga tushmaydi. Shuning uchun bu bo‘yicha qonuniy nuqtayi nazardan biz ishlashimiz kerak bo‘lgan masalalar mavjud.

Foto: “Daryo”

Foto: “Daryo”

Men bir narsani tushuntirmoqchiman: Adliya vazirligi hamma sohadagi qonunchilikni yaratadigan tashkilot emas, biz huquqiy siyosat jihatdan yuritamiz. Lekin hamma sohadagi vazirliklar o‘zining davlat siyosatini yuritadi. Masalan, sog‘liqni saqlash sohasida siyosatni yuritadigan tashkilot uning o‘zi, huquqiy nuqtayi nazardan ham hujjatni o‘zi ishlab chiqadi, siyosatining tagidagi hujjatni o‘zi ishlab chiqishi kerak. Biz umummilliy manfaatlar, umumdavlat va umummajburiy nuqtayi nazardan ko‘rib, o‘rtada turib, uning jilovini ushlab turadigan tashkilotmiz. Lekin sohaviy siyosatni vazirliklarning o‘zi yuritishi kerak”, — dedi u.

Eslatib o‘tamiz, Ichki ishlar vazirligi Normativ-huquqiy hujjatlar loyihalari muhokamasi portaliga muhokama uchun qo‘yilgan “Miting, yig‘ilish va namoyishlar to‘g‘risida”gi qonun loyihasi yuzasidan bayonot bilan chiqqan edi. Unda IIV matbuot xizmati amaldagi qonunchilikda yig‘ilish, miting va namoyishlar tushunchalari, ularni tashkil etish va o‘tkazish tartibini belgilovchi normativ-huquqiy hujjat mavjud emasligini ta’kidlab o‘tgandi.

“Mazkur huquqiy bo‘shliq hanuzgacha, O‘zbekiston Konstitutsiyasining 33-moddasida ko‘rsatilgan qoidalarni to‘liq ro‘yobga chiqarishga imkon bermasdan kelmoqda”, — deyilgan edi bayonotda.

Izoh
Asosiy yangiliklar
Mahalliy
O‘zbekiston va Qirg‘iziston fuqarolari ikki davlatga ID karta orqali o‘tishi mumkin bo‘ladi
Mahalliy
Hokimiyat xodimlarini ovqatlantirishga 1,3 milliard so‘m, talabalar uchun Dubayga sayohat, “tushunmasdan” lotni yutib qo‘ygan tadbirkor — 27-yanvardagi qiziqarli t...
Dunyo
Sayfullo Soipov 2017-yil Nyu-Yorkda yuz bergan teraktda aybdor deb topildi. U o‘limga hukm qilinishi mumkin