AQSh prezidenti Jo Bayden Kaliforniya shtatida yashovchi va koronavirus pandemiyasi tufayli o‘z ishini yo‘qotgan Mishel ismli ayol bilan telefon orqali suhbatlashdi, deb yozadi “Korrespondent.net”. Voqea aks etgan video davlat rahbarining Twitter’dagi sahifasida e’lon qilindi.
Last year, Michele lost her job because of the pandemic. I recently gave her a call to hear her story and discuss how my American Rescue Plan will help families like hers. pic.twitter.com/SAqM2GytPf
— President Biden Archived (@POTUS46Archive) February 6, 2021
Rolikda aytilishicha, Oq uy rahbari ayolga o‘zining Amerika iqtisodiyotini rag‘batlantirish chora-tadbirlari dasturi haqida gapirib berib, uni tinchlantirdi.
“G‘oya shundan iboratki, biz biznesni qayta ochmoqchimiz. Biz qabul qiladigan reja odamlarga o‘zlari muhtoj bo‘lgan shoshilinch yordamni taqdim etadi. Bu kichik biznesning ochilishiga yordam beradi”, — dedi Bayden.
Bundan tashqari, prezident Mishelga hukumatning yaqin 100 kun ichida 100 million amerikalikni koronavirusga qarshi emlash rejasini eslatdi.
Bunga javoban suhbatdosh ayol o‘z ota-onasini vaksina olish uchun ro‘yxatga yozdirganini ma’lum qildi.
Ta’kidlanishicha, ushbu suhbat muayyan dasturning bir qismi hisoblanib, uning doirasida Jo Bayden muntazam ravishda AQSh fuqarolari bilan muloqot qilishni niyat qilgan.
Avvalroq AQSh prezident Jo Bayden koronavirus pandemiyasiga qarshi kurash chora-tadbirlari, shuningdek, mamlakat aholisini qutqarish rejasi doirasida odamlarga bir martalik to‘lovlarni amalga oshirish uchun 160 milliard dollar ajratishni va’da qilgan edi.
Mavzuga doir:
Izoh (0)