Shavkat Mirziyoyev ajralishlarning oldini olish muhimligini ta’kidladi

Prezident Shavkat Mirziyoyev xalq deputatlari Farg‘ona viloyati kengashining 5-fevral kuni bo‘lib o‘tgan navbatdan tashqari sessiyasida yoshlar va ayollar bandligini ta’minlash masalalariga alohida e’tibor qaratdi, deya xabar bermoqda prezident matbuot xizmati.

Xabar berishlaricha, 2021-yilda Farg‘ona viloyatidagi 19 ta tuman va shaharlarda bittadan Yoshlar sanoat va tadbirkorlik zonasi tashkil etiladi, “Yoshlar: 1+1” loyihasi doirasida 8 mingdan ziyod ishsizlar tadbirkorlik va kasb-hunarga o‘qitiladi.

“Xotin-qizlarning o‘z ishini ochishiga ko‘maklashish, muhtojlarning uy sotib olishi uchun boshlang‘ich badal pullarini to‘lab berish, ajralishlarning oldini olish muhimligi ta’kidlandi”, — deyiladi rasmiy axborotda.