“Daryo” muxbiri Feruz Muhammad uzoq yillar mobaynida poytaxtda ijara uylarda yashab, ijaraning turli xil qiyinchiliklarini boshidan o‘tkazgan va o‘tkazayotgan taniqli insonlar bilan intervyu qildi.

Ular suhbat davomida necha yil ijarada yashagani, shu yillar davomida necha marotaba ijara uylarini almashtirgani haqida gapirib berdi.

Foto: “Daryo”

O‘n to‘qqiz yoshimda turmushga chiqqanman. Turmushga chiqqach Buxorodan Toshkentga kelganmiz. Jami bo‘lib Toshkent shahrida sakkizta ijara uylarda ko‘chib yashaganmiz. Ko‘p marotaba ijara uylardan “haydalish kuyi” chalingan, sarson-sargardonliklar ko‘p bo‘lgan.

Nozima Vohidova, jurnalist, boshlovchi

Foto: “Daryo”

Taniqli jurnalist Abdukarim Mirzayev talabaligining dastlabki yillarida ijarada yashagani, ijaraning har xil, xususan, uch kunlab ochlik azobini ham ko‘rgani haqida gapirib berdi.

Foto: “Daryo”

Yunusobod tumani bosh imom xatibi Shayx Sayyid Rahmatulloh Termiziy Surxondaryo viloyatidan 20 yoshida Toshkent shahriga kelgani, ijara bilan bog‘liq bir qancha muammolarga uchragani haqida aytib o‘tdi.

Foto: “Daryo”

Checheniston xalq artisti San Jay dastlab Chechenistonda ijarada yashagani, hattoki ko‘chada qolib ketgan kunlarini esladi. So‘ngra Rossiyaning Moskva shahrida 15 yil davomida ijarada yashab, ishlashga majbur bo‘lganini ma’lum qildi.

Foto: “Daryo”

Bastakor Eldor Qayumov ellikdan ortiq ommalashgan qo‘shiqlar muallifi bo‘lishiga qaramasdan, 21 yil davomida, hattoki hozir ham ijarada yashayotgani haqida gapirib berdi. Eldor Qayumov 21 yil ichida 30 dan ortiq uylarda ijarada yashagan.

Foto: “Daryo”

Mashhur boshlovchi Ahror Qo‘shmatov 10 yil davomida Toshkent shahrida oilasi bilan ijarada yashagani, ko‘chada qolib ketgan kunlari, hattoki do‘stlari ham eshik ochmagani haqida alamli xotiralarini esladi.

Foto: “Daryo”

“Azon kitoblari” bosh muharriri Husan Maqsud talabalik davridan hozirga qadar ijara uylarda yashayotgani, ijara azobiga chiday olmasdan ko‘plab kuchli mutaxasislar chet ellarga ketib qolayotgan holatlarni aytib o‘tdi.

Foto: “Daryo”

Huquqshunos, bloger Xushnudbek Xudoyberdiyev 2003-yildan 2014-yilgacha, ya’ni 11 yil davomida ijarada yashagani va bu jarayondagi qiyinchiliklar, ijarada yashashning huquqiy asoslari haqida gapirib berdi.