La Liga. Luis Suaresning so‘nggi daqiqalardagi goli “Atletiko”ga g‘alaba keltirdi
Futbol bo‘yicha Ispaniya La Ligasining 19-turida “Atletiko” 21-yanvar, payshanba kuni “Eybar” maydonida mehmon bo‘ldi.
Uchrashuvning 12-daqiqasida mezbonlar darvozabon Marko Dmitrovichning penaltidan urgan golidan keyin oldinga o‘tib oldi. Birinchi bo‘lim yakunida Luis Suares hisobni tenglashtirdi. Barchasi durang tomon ketayotgan bir vaqtda madridliklar so‘nggi daqiqalarda penalti ishlab oldi. Uni Suares muvaffaqiyatli ijro etib, jamoasining g‘alabasini ta’minladi.
Yana bir o‘yinda “Valensiya” o‘z uyida “Osasuna”ni qabul qildi va durang o‘ynadi.
19-turidan keyin musobaqa jadvali quyidagi ko‘rinishni oldi:
La Liga
19-tur bahslari
21-yanvar, payshanba
“Eybar” — “Atletiko” 1:2
Gollar: 1:0 – 12, penalti Dmitrovich, 1:1 – 40 Suares, 1:2 – 89, penalti Suares.“Eybar”: Dmitrovich, Poso, Oliveyra, Arbilya, Bigas, Alvares, Diop (Leon, 90), Muto (Enrik, 77), Eksposito, Inui, Kike Garsiya.
“Atletiko”: Oblak, Savich, Felipe, Ximenes, Saul, Vrsalko, Karrasko, Lyorente, Lemar (Joau Feliks, 46), Suares (Kondogbia, 90), Korrea (Torreyra, 46).
Ogohlantirishlar: Felipe (62), Arbilya (82), Savich (90), Kike Garsiya (90), Poso (90).
“Valensiya” — “Osasuna” 1:1
Gollar: 0:1 – 42 Kaleri, 1:1 – 69, avtogol Unai Garsiya.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
