Bugun,

  • USD 11095.31
  • RUB 173.84
  • EUR 10772.44

Rossiyaning quruq yuk tashuvchi Arvin kemasi Turkiyada Qora dengizda halokatga uchraganidan keyin qutqarib olingan Rossiya fuqarosi Nikolay Krinov fojia yomon ob-havo sharoiti tufayli yuz bergan bo‘lishi mumkinligini aytdi. Bu haqda “RBK” Rossiyaning Anqaradagi elchixonasiga tayanib xabar berdi.

Foto: “TASS”

Foto: “TASS”

Krinov kemaning katta texnigi bo‘lgan. Ayni paytda u Bartin shahridagi kasalxonada. Uning ahvoli barqaror deb baholanmoqda, hayoti uchun xavf yo‘q. Yana bir rossiyalikning taqdiri esa noma’lum bo‘lib qolmoqda.

Rossiya bosh konsulligi xodimlari jabrlanuvchiga konsullik yordamini taqdim etdi, eng zarur buyumlar sotib olib berildi. Bundan tashqari, ular ukrainalik dengizchilarning o‘z qarindoshlari bilan bog‘lanishiga yordam ko‘rsatdi.

Ayni paytda qutqaruv operatsiyasi ob-havo sharoiti yomonlashgani tufayli to‘xtatib qo‘yilgan. Jami olti kishi qutqarib olingan, ular orasida bir rossiyalik bor, deya ma’lum qildi “Rosmorrechflot”.

“Bir kishi kasalxonaga yetkazildi, boshqalarning ahvoli yaxshi”, ­— deyiladi xabarda.

Arvin quruq yuk tashuvchi kemasi 17-yanvar kuni Inkumu yaqinida halokatga uchragan edi. Kema Gruziyaning Poti portidan Bolgariyaning Burgas portiga qarab yo‘l olgan. 15-yanvar kuni kema Bartin portida turgan. Hodisadan keyin qutqaruvchilar ekipaj a’zolarini qutqarish operatsiyasini boshlagan. Turkiya Milliy mudofaa vazirligi ma’lum qilishicha, voqea joyiga qidiruv-qutqaruv ishlarida qatnashish uchun harbiy kema yuborilgan.

Bartin viloyati gubernatori Sinan Gyuner kema bortida 13 kishi bo‘lgani, ularning barchasi Rossiya fuqarolari ekanini ma’lum qildi. Keyinroq kema halokati oqibatida to‘rt kishi halok bo‘lganini bildirdi. Gyunerning so‘zlariga ko‘ra, kema yomon ob-havo sharoiti tufayli halokatga uchragan.

Ukraina Tashqi ishlar vazirligi matbuot kotibi Olea Nikolenko ma’lum qilishicha, yuk kemasi bortida 10 ukrainalik va 2 chet ellik bo‘lgan. Turkiya qirg‘oq soqchiligi ma’lumotlariga ko‘ra, olti dengizchi qutqarib olingan.

Ukraina kemalar reyestri ma’lumotlariga qaraganda, Arvin quruq yuk tashuvchi kemasi Palau bayrog‘i ostida suzadi. 2014-yilgacha kema Rossiya kemalar xalqaro reyestrida bo‘lgan. Hozirgi paytda u Odessaning Tesoro Marine kompaniyasi tomonidan foydalaniladi.

Avvalroq Rossiya bayrog‘i ostidagi Arvin quruq yuk tashuvchi kemasi Qora dengizda Turkiyaning Bartin viloyati sohillari yaqinida cho‘kib ketgani, ikki kishi halok bo‘lgani xabar berilgan edi.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
Markaziy bank raisining kripto-aktivlar bo‘yicha ma’lumoti rad etildi