Andijon viloyati Izboskan tumanida 12-dekabr kuni 23 yoshli haydovchi quyuq tuman sababli yo‘l chetida harakatlanib ketayotgan piyodalarni ko‘rmay qolgan va ulardan birini urib ketgan. Bu haqda Ichki ishlar vazirligi Yo‘l harakati xavfsizligi bosh boshqarmasi xabar berdi.
Ma’lum qilinishicha, 12-dekabr kuni soat, taxminan, 18:30 da Izboskan tumani “Beshterak” MFY hududidan o‘tgan 4R-432 avtomobil yo‘lining 5-kilometrida Lacetti avtomobilida harakatlanib kelayotgan 1997-yilda tug‘ilgan haydovchi yo‘lning chetidan ketayotgan piyodalarning noto‘g‘ri harakati natijasida ulardan birini urib yuborgan.
Jabrlanuvchi tuman tez tibbiy yordam bo‘limiga olib borilgan, biroq ko‘rsatilgan tibbiy yordamga qaramay kasalxonada vafot etgan.
Ayni paytda mazkur YTH bilan bog‘liq holatlar Andijon viloyati IIB YHXB va mutasaddi tashkilotlar tomonidan o‘rganilmoqda.
Mavzuga doir:
- Qamchiq dovonida 14 soat ichida 13 ta mashina ishtirokida 3 ta YTH sodir bo‘ldi
- Surxondaryodagi ta’mirlanayotgan yo‘lda Cobalt ag‘darilib ketdi. Haydovchi voqea joyida vafot etdi
- Olmaliqda Lacetti 9 yoshli qizni urib ketdi. Jabrlanuvchi shifoxonaga yotqizilgan
- Ishtihonda yo‘lni belgilanmagan joydan kesib o‘tayotgan piyodani urib yuborgan Nexia uning o‘limiga sabab bo‘ldi