Bugun,

  • USD 11095.31
  • RUB 173.84
  • EUR 10772.44

YuNISEF O‘zbekistonda aholining ijtimoiy zaif qatlamlariga koronavirus pandemiyasining ta’siri bo‘yicha tahlillarini ma’lum qildi. Unga ko‘ra, pandemiya oqibatida mamlakatda 300 mingdan 1,2 million nafargacha bola kambag‘allikka tushib qolishi mumkin, deya xabar bermoqda “Kun.uz”.

Foto: “Daryo”

Foto: “Daryo”

Parlament a’zolari va xalqaro tashkilotlar vakillari ishtirokida o‘tkazilgan “Zamonaviy dunyo muammolariga qarshi tura oladigan ijtimoiy himoya tizimi” davra suhbatida bildirilishicha, pandemiya davrida kambag‘allik darajasining oshishi, 900 mingdan ziyod kishi kambag‘allik yoqasiga kelib qolishi qayd etildi.

“Pandemiya oqibatida mamlakatda ishsizlik ko‘rsatkichi 2019-yilning avgust oyidagi 9,1 foizdan 13,2 foizga oshdi. Migratsiyaning qisqarishi hisobiga pul o‘tkazmalari hajmi 20—25 foizga kamaygan.

Shu bilan birga, iqtisodiy o‘sishning sekinlashishi oqibatida ijtimoiy himoya uchun mablag‘ ajratish hajmi qisqarishi mumkin.

Norasmiy sektorda band bo‘lgan aholining 60 foizida daromadning pasayishi kuzatilgan. Kam daromadli oilalarning qariyb 40 foizi uchun bolalar nafaqasi yagona daromad manbayi bo‘lib qolgan”, — dedi YuNISEFning ijtimoiy siyosat bo‘yicha dasturi rahbari Tinatin Baum.

Avvalroq YuNISEF O‘zbekistonda imkoniyati cheklanganlar bilan bog‘liq qonunchilik xalqaro talablarga to‘la mos kelmasligini ma’lum qilgandi. Shuningdek, O‘zbekistonda bolalar huquqlari borasida erishilgan yutuqlar pandemiya sabab yo‘qqa chiqishi mumkinligi haqida ogohlantirgandi.

Izoh
Asosiy yangiliklar
Dunyo
Hindistonda voyaga yetmagan qizlarga uylanishda ayblanib, 2 mingdan ortiq erkak hibsga olindi
Dunyo
AQSH harbiylari mamlakat osmonida uchayotgan Xitoy sharini urib tushirdi. Pekin norozilik bildirdi (video)
Dunyo
“Putin menga Zelenskiyni o‘ldirmaslikka va’da bergan” — Isroil sobiq bosh vaziri Bennet Rossiya prezidenti bilan suhbati haqida gapirib berdi