Butun dunyoda koronavirus infeksiyasidan 1,5 milliondan ziyod kishi vafot etdi. Bu haqda COVID-19’ga oid statistikani real vaqt rejimida kuzatib boruvchi Amerikaning Jons Hopkins universiteti ma’lumotlari guvohlik bermoqda, deb yozadi “RBK”.
O‘lim holatlari soni bo‘yicha birinchi o‘rinni AQSh egallamoqda, u yerda koronavirusdan vafot etganlar soni 275,2 ming kishidan oshgan. Ikkinchi o‘rinda Braziliya (174,5 ming), uchinchi o‘rinda — Hindiston (138,6 ming). Keyingi o‘rinlarni Meksika (107,5 ming), Buyuk Britaniya (60,2 ming) va Italiya (58 ming) band qildi.
Butun dunyo bo‘ylab koronavirusni yuqtirib olganlar soni, universitet ma’lumotlari bo‘yicha, 65 million kishidan oshdi. Qayd etilgan holatlar bo‘yicha AQSh, Hindiston va Braziliya yetakchilik qilmoqda. To‘rtinchi o‘rinda — Rossiya (tezkor shtabga ko‘ra, 2,3 million bemor). Jahon sog‘liqni saqlash tashkiloti ma’lumotlariga qaraganda, 4-dekabr holati bo‘yicha dunyoda 63,9 million kishi kasallikni yuqtirgan.
Eslatib o‘tamiz, Rossiyada birinchi marta sutka davomida 28 mingdan ortiq kishida koronavirus aniqlandi. Bu kasallanganlar soni sutkalik o‘sishi bo‘yicha pandemiya davridan buyon yuqori ko‘rsatkich. Kasallanganlarning umumiy soni 2 375 546 nafarga yetdi.
Avvalroq xitoylik olimlar COVID-19’ni uyda yuqtirib olish xavfi transportdagidan yuqoriroq ekanligini aniqlagan edi. Koronavirusni yuqtirib olish xavfi bitta joyda yashaydigan oilada eng yuqoriligi ma’lum bo‘ldi. Bunga, ehtimol, o‘z-o‘zini yakkalash chog‘ida ular bir-biri bilan ko‘proq muloqot qilishi sabab bo‘lgan, degan fikrda olimlar.
Mavzuga doir:
Izoh (0)