O‘zbekistonda monopoliyalar soni 2017-yildan beri eng past ko‘rsatkichga tushdi
O‘zbekistonda 2020-yil 1-noyabr holatiga ko‘ra 131 ta tabiiy monopoliya mavjud. Bu haqda Monopoliyaga qarshi kurashish qo‘mitasiga tayanib, Spot ma’lum qildi.
Qayd etilishicha, bu 2017-yildan beri eng past ko‘rsatkichdir. O‘sha yilda tabiiy monopoliyalar soni 148 ta bo‘lgan.
Mamlakatda 2020-yil yozida tabiiy monopoliyalar soni keskin ko‘tarildi (beshta yangi kompaniya qo‘shilgan), ammo noyabrga kelib ularning soni yana kamaydi.
Tabiiy monopoliya — bozorda muayyan tovarlar (ishlar, xizmatlar) turlariga bo‘lgan talabni qondirishda raqobatli sharoitni yaratish texnologik xususiyatlarga ko‘ra mumkin bo‘lmaydigan yoki iqtisodiy jihatdan maqbul bo‘lmaydigan holat. Tabiiy monopoliyalar faoliyati ularning mamlakat iqtisodiyotida egallagan ahamiyatini hisobga olgan holda davlat tomonidan tartibga solinadi.
