Futbol bo‘yicha Angliya Premyer Ligasining 10-turida “Arsenal” 29-noyabr, yakshanba kuni “Vulverhempton”ga qarshi bahs olib bordi.
Uchrashuvning 27-daqiqasida Pedru Netu “bo‘rilar”ni oldinga olib chiqdi. Oradan ko‘p o‘tmay londonliklar himoyachisi Gabriel muvozanatni tikladi.
Birinchi bo‘lim yakunlanishi arafasida Daniel Podense mehmonlarning ikkinchi to‘pini kiritdi. Ikkinchi bo‘limda hisob o‘zgarmadi va “Vulverhempton” ortga g‘alaba bilan qaytadigan bo‘ldi.
Ushbu g‘alabadan keyin “Vulverhempton” ochkolarini 17 taga yetkazib olgan holda 6-o‘ringa ko‘tarildi. “Arsenal” (13) 14-pog‘onada ketmoqda.
Mikel Arteta shogirdlari keyingi turda “Tottenhem” bilan kuch sinashsa, “Vulverhempton” “Liverpul” maydoniga safar qiladi.
APL
10-tur bahsi
29-noyabr, yakshanba
“Arsenal” — “Vulverhempton” 1:2
Gollar: 0:1 – 27 Netu, 1:1 – 30 Gabriel, 1:2 – 42 Podense.“Arsenal”: Leno, David Luiz (Holding, 46), Gabriel, Tirni, Belyerin, Saka, Jaka (Lyakazett, 80), Uillok, Sebalyos, Villian (Nelson, 65), Obameyang.
“Vulverhempton”: Ruy Patrisiu, Marsal, Boli, Koudi, Semedu, Dendonker, Moutinyu, Netu, Podense (Ruben Nevesh, 70), Traore, Ximenes (Fabiu Silva, 15; Kilmen, 78).
Ogohlantirishlar: Boli (47), Traore (54), Fabiu Silva (56), Belyerin (69), Holding (86), Koudi (89), Tirni (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)