Футбол бўйича Англия Премьер Лигасининг 10-турида «Арсенал» 29 ноябрь, якшанба куни «Вулверҳэмптон»га қарши баҳс олиб борди.
Учрашувнинг 27-дақиқасида Педру Нету «бўрилар»ни олдинга олиб чиқди. Орадан кўп ўтмай лондонликлар ҳимоячиси Габриэль мувозанатни тиклади.
Биринчи бўлим якунланиши арафасида Даниэль Поденсе меҳмонларнинг иккинчи тўпини киритди. Иккинчи бўлимда ҳисоб ўзгармади ва «Вулверҳэмптон» ортга ғалаба билан қайтадиган бўлди.
Ушбу ғалабадан кейин «Вулверҳэмптон» очколарини 17 тага етказиб олган ҳолда 6-ўринга кўтарилди. «Арсенал» (13) 14-поғонада кетмоқда.
Микель Артета шогирдлари кейинги турда «Тоттенҳэм» билан куч синашса, «Вулверҳэмптон» «Ливерпуль» майдонига сафар қилади.
АПЛ
10-тур баҳси
29 ноябрь, якшанба
«Арсенал» — «Вулверҳэмптон» 1:2
Голлар: 0:1 – 27 Нету, 1:1 – 30 Габриэль, 1:2 – 42 Поденсе.«Арсенал»: Лено, Давид Луиз (Ҳолдинг, 46), Габриэль, Тирни, Бельерин, Сака, Жака (Ляказетт, 80), Уиллок, Себальос, Виллиан (Нелсон, 65), Обамеянг.
«Вулверҳэмптон»: Руй Патрисиу, Марсал, Боли, Коуди, Семеду, Дендонкер, Моутинью, Нету, Поденсе (Рубен Невеш, 70), Траоре, Хименес (Фабиу Сильва, 15; Килмен, 78).
Огоҳлантиришлар: Боли (47), Траоре (54), Фабиу Сильва (56), Бельерин (69), Ҳолдинг (86), Коуди (89), Тирни (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)