Biz hammamiz ba’zan birovga baho berishga va bir yoqlama fikrlashga yo‘l qo‘yamiz. Misol uchun, ko‘pchilik odamlar olimlarni har doim kulrang xalat va ko‘zoynakda yuradigan juda zerikarli yolg‘iz odam deb hisoblashadi. Ammo qimmatbaho avtomobillarda va o‘ziga yarashgan kostyumlarda yurgan qanchadan qancha zamonaviy daholar bu afsonani osonlik bilan yo‘qqa chiqarib, aqlli bo‘lish ajoyib va qiziqarli, ilm esa bugun urfda ekanligini o‘zlarining misollarida isbotlamoqda!
Hayotingizni ilm-fan bilan bog‘lashni orzu qilasizmi yoki kashfiyotlarga endi qiziqishni boshlayapsizmi? Bu qo‘lingizdan kelish-kelmasligini va O‘zbekistonda qanday rivojlanishni bilmayapsizmi? Biz sizga qanday qilib aqlli va muvaffaqiyatli odamlar jamoasi bilan bo‘lish, o‘zingiz uchun yangi ufqlarni kashf etish va kelajakka bugundanoq qadam qo‘yish haqida aytib beramiz.
Bu yil O‘zbekistondagi ikkinchi fan va atom festivali 27 va 28-noyabr kunlari Youtube va Facebook’da onlayn rejimda o‘tkaziladi. Ammo bu — konferensiya zerikarli bo‘lishini anglatmaydi — tashkilotchilar dasturni nihoyatda boy, xilma-xil va har qanday yoshdagi ishtirokchilar uchun mos qilishga harakat qilishdi. Tadbirning yarmi o‘zbek tilida, yarmi rus tilida bo‘lib, har kim o‘zaro suhbatlarda ishtirok etishi mumkin — tomoshabinlarni mahorat darslari, tok-shou va viktorinalar kutmoqda, bu yerda har kim bilimga bo‘lgan ishtiyoqini namoyish etishi va sovg‘alarga ega bo‘lishi mumkin.
Bunday tadbirlar maktab o‘quvchilari, talabalar, ilm-fan va ilg‘or texnologiyalarga qiziquvchilar uchun nihoyatda zarurdir. Bu - bo‘sh vaqtni intellektual shaklda o‘tkazish, aqlli odamlar bilan muloqot qilish, ilmiy munozaralarga kirishish, o‘zi uchun yangi va o‘ta qiziqarli narsalarni kashf qilishning ajoyib usulidir.
Tadbir O‘zbekiston Energetika vazirligi huzuridagi Atom energiyasini rivojlantirish agentligi va “Rosatom” Davlat korporatsiyasi ko‘magida Toshkent atom texnologiyalari axborot markazi tomonidan tashkil etildi. O‘zbekiston va Rossiyaning eng yorqin aql egalari — yadro fizikasi sohasi mutaxassislari, olimlar, ekologlar, biologlar va boshqa tabiiy fanlar yetakchilari, respublikamizdagi atom energetikasi va yadroviy texnologiyalar haqida tushunarli va ochiq tarzda o‘z bilimlari bilan o‘rtoqlashishga hamda kelajak avlodga ilm-fan va innovatsiyalar sohasida yuqori martabalarga erishishga ilhom berishga tayyor.
Ilmiy bilimlarning qadr-qimmati nafaqat kelajakdagi martaba bilan, balki butun insoniyat uchun erishilgan ajoyib muvaffaqiyatlar bilan ham bog‘liqdir.
O‘zbekistondagi ikkinchi Fan va atom festivali fan, texnologiya va tabiiy-ilmiy ta‘limga e‘tibor va qiziqishni oshirishning ajoyib usulidir.
Bizga qo‘shiling, dunyoni o‘rganing, koinotni zabt eting! Yodda tuting, ilm-fan bizni o‘rab turgan dunyoni o‘zgartirishingiz mumkin bo‘lgan kuchli va mukammal vositadir.
Nima? O‘zbekistondagi Ikkinchi fan va atom festivali.
Qayerda?
Qachon? 27 va 28-noyabr soat 11:00 dan 19:00 gacha
Kelajakka buyuk kashfiyotlar yetaklaydi!
Reklama huquqi asosida.
Izoh (0)