Биз ҳаммамиз баъзан бировга баҳо беришга ва бир ёқлама фикрлашга йўл қўямиз. Мисол учун, кўпчилик одамлар олимларни ҳар доим кул ранг халат ва кўзойнакда юрадиган жуда зерикарли ёлғиз одам деб ҳисоблашади. Аммо қимматбаҳо автомобилларда ва ўзига ярашган костюмларда юрган қанчадан қанча замонавий даҳолар бу афсонани осонлик билан йўққа чиқариб, ақлли бўлиш ажойиб ва қизиқарли, илм эса бугун урфда эканлигини ўзларининг мисолларида исботламоқда!
Ҳаётингизни илм-фан билан боғлашни орзу қиласизми ёки кашфиётларга энди қизиқишни бошлаяпсизми? Бу қўлингиздан келиш-келмаслигини ва Ўзбекистонда қандай ривожланишни билмаяпсизми? Биз сизга қандай қилиб ақлли ва муваффақиятли одамлар жамоаси билан бўлиш, ўзингиз учун янги уфқларни кашф этиш ва келажакка бугунданоқ қадам қўйиш ҳақида айтиб берамиз.
Бу йил Ўзбекистондаги иккинчи фан ва атом фестивали 27 ва 28 ноябрь кунлари Youtube ва Facebook’да онлайн режимда ўтказилади. Аммо бу — конференция зерикарли бўлишини англатмайди — ташкилотчилар дастурни ниҳоятда бой, хилма-хил ва ҳар қандай ёшдаги иштирокчилар учун мос қилишга ҳаракат қилишди. Тадбирнинг ярми ўзбек тилида, ярми рус тилида бўлиб, ҳар ким ўзаро суҳбатларда иштирок этиши мумкин — томошабинларни маҳорат дарслари, ток-шоу ва викториналар кутмоқда, бу ерда ҳар ким билимга бўлган иштиёқини намойиш этиши ва совғаларга эга бўлиши мумкин.
Бундай тадбирлар мактаб ўқувчилари, талабалар, илм-фан ва илғор технологияларга қизиқувчилар учун ниҳоятда зарурдир. Бу - бўш вақтни интеллектуал шаклда ўтказиш, ақлли одамлар билан мулоқот қилиш, илмий мунозараларга киришиш, ўзи учун янги ва ўта қизиқарли нарсаларни кашф қилишнинг ажойиб усулидир.
Тадбир Ўзбекистон Энергетика вазирлиги ҳузуридаги Атом энергиясини ривожлантириш агентлиги ва «Росатом» Давлат корпорацияси кўмагида Тошкент атом технологиялари ахборот маркази томонидан ташкил этилди. Ўзбекистон ва Россиянинг энг ёрқин ақл эгалари — ядро физикаси соҳаси мутахассислари, олимлар, экологлар, биологлар ва бошқа табиий фанлар етакчилари, республикамиздаги атом энергетикаси ва ядровий технологиялар ҳақида тушунарли ва очиқ тарзда ўз билимлари билан ўртоқлашишга ҳамда келажак авлодга илм-фан ва инновациялар соҳасида юқори мартабаларга эришишга илҳом беришга тайёр.
Илмий билимларнинг қадр-қиммати нафақат келажакдаги мартаба билан, балки бутун инсоният учун эришилган ажойиб муваффақиятлар билан ҳам боғлиқдир.
Ўзбекистондаги иккинчи Фан ва атом фестивали фан, технология ва табиий-илмий таълимга эътибор ва қизиқишни оширишнинг ажойиб усулидир.
Бизга қўшилинг, дунёни ўрганинг, коинотни забт этинг! Ёдда тутинг, илм-фан бизни ўраб турган дунёни ўзгартиришингиз мумкин бўлган кучли ва мукаммал воситадир.
Нима? Ўзбекистондаги Иккинчи фан ва атом фестивали.
Қаерда?
Қачон? 27 ва 28 ноябрь соат 11:00 дан 19:00 гача
Келажакка буюк кашфиётлар етаклайди!
Реклама ҳуқуқи асосида.
Изоҳ (0)