Parij politsiyasi “Global xavfsizlik to‘g‘risida”gi qonunning yangi moddasiga qarshi namoyishchilarni tarqatish uchun vodomyotlarni qo‘lladi. “RBK”ning ma’lum qilishicha, yangi moddada politsiya xodimlariga zarar yetkazish maqsadida ularning suratlarini tarqatganlik uchun 45 ming yevro va bir yil qamoq jazosi ko‘zda tutilgan.
Voqea joyidan olingan videodan namoyishchilar katta yo‘lga ko‘ndalang turib olgani, politsiya ularga qarshi vodomyotdan suv sepayotganini ko‘rish mumkin.
Water cannon in Paris tonight during protests against new law limiting publication of images of police and gendarmes.#LoiSecuriteGlobale#loisecuriteglobal
Les forces de l'ordre utilisent un canon à eau, plusieurs fois pour disperser la foule. #Paris pic.twitter.com/44ySD6OIp1— Democrats Europe (@DemocratsEurope) November 21, 2020
“TASS”ning yozishicha, vodomyotdan tashqari gaz ballonlari ham ishga solingan. Bu Eyfel minorasi yaqinidagi Trokadero maydonida namoyishchilar olov yoqib, huquq-tartibot xodimlariga qarata petarda va butilkalar otishni boshlaganidan keyin yuz bergan.
Protestors against new French “Global Security” law that might ban filming and photographing police, confront riot cops in Paris with the Eiffel Tower providing a magnificent backdrop pic.twitter.com/tvU9OJba1C
— Rory Mulholland (@mulhollandrory) November 21, 2020
Namoyish ishtirokchilari qo‘llarida “hamma politsiyani yomon ko‘radi”, “bizga o‘zini yaxshi tutadigan politsiya kerak” degan shiorlar yozilgan plakatlar tutib olgan.
Parij politsiyasi prefekturasi o‘zining Twitter’dagi sahifasida namoyish ishtirokchilaridan tarqalishni so‘ragan.
« Tout le monde déteste la police »#Paris #PPLSecuriteGlobale #StopLoiSecuriteGlobale pic.twitter.com/6BXEVIvT8F
— AB7 Média (@Ab7Media) November 21, 2020
France 24 telekanalining xabar berishicha, norozilik namoyishi nafaqat Parijda, balki Fransiyaning boshqa shaharlarida ham bo‘lib o‘tgan. Unda minglab odamlar ishtirok etgan. Namoyishchilarni “Chegara bilmas muxbirlar” (Reporters Without Borders) va Amnesty International’ning Fransiya bo‘limi kabi gumanitar va jurnalistik tashkilotlar qo‘llab-quvvatlamoqda.
Qonunga kiritilgan o‘zgarishlarni tanqid qiluvchilarning fikricha, uning qabul qilinishi jurnalist va huquq himoyachilariga politsiya tomonidan sodir etilgan qonunbuzarliklarni yoritish ishiga qiyinchilik tug‘diradi.
20-noyabr kuni Fransiya ichki ishlar vaziri Jerald Darmanen jurnalist va oddiy fuqarolar politsiya xodimlarini yuzlarini yopmasdan suratga olishlari mumkinligini, qonun faqat materiallar huquq-tartibot organlariga ataylab zarar yetkazish yoki zo‘ravonlikka chaqiradigan izohlar bilan tarqatilgan taqdirdagina amal qilishini ma’lum qilgan.
